Pulos mga tikas an

Nagsugod na kagahapon ang campaign period alang sa mga magpapili sa nasodnong position busa busy na kaayo ang COMELEC ug ubang partner agencies sa pagpamadlong niadtong mga kandidato nga gahig ulo nga angayang ideretso sa pansayan kay mga bentahoso kaayo namilit na sa ilang mga nawong bisan asa.

 Maayo unta kong ang tinuod nga nawong ang mopilit hangtud sa hangtud.

Nagpahigayon na og Operation Baklas ang COMELEC uban ang DENR, DPWH, BFP, PNP ug AFP, sinugdanan pa lang kini kay duna pa may mosunod nga mga schedule. Hahay kada eleksiyon season nalang gyud managsama ra nga scenario mora’g replay o rewind lang ang atong masaksihan walay kausaban.

Magsige kita og pangandoy og kausaban apan imposible pa kanang mahitabo kong dili mausab ang mindset sa kinabag-an nga mahaklapan lang og kwarta malimot na. Kong ingon niini aw pirme nalang ta mag replay sa mahitabo sa atong nasud.

Unta karong panahona tinuod na nga magmata ang katawhan kong si kinsa kadtong dili motuman sa batakan nga lagda sa eleksyon dili na pilion, kutob lang kini sa pangindahay nga sa pagkakaron dili pa gyud matuman.

Matud sa COMELEC nga ilang padad-an og suwat ang mga kandidato nga ipatangtang ang mga propaganda materials ug kong mapakyas ilang isyuhan og showcause order aron ipasabot nganong dili sila kasohan og election offense. Kaniadto ra pud ni pero wala man ta kadungog nga naay nasilotan sa ingon niini nga kalapasan.

Kining mag una una og butang sa ilang campaign materials sukad pa sa  nagplano nga molansad mao ni sila ang klarong tikasan sa atubangan sa katawhan, pero sila man tanan walay mapili pulos mga bentahoso.

Walay laing masabasol kong palpak ang mga gipiling public servant kon dili ang mga tawo usab nga humok og ilong daling mahaylo sa plastic nga pahiyom sa mga kandidato nga gipakapinan og kwarta, mga bagag nawong.