SWS pre-election survey pangilad

Sa unang adlaw nga gipahigayon sa Tricom ang pag-imbestigar sa ilang gipangimbitar nga 40 ka diehard Duterte supporters-bloggers, bisan dili miyembro si Rep. Rodante Marcoleta sa Tricom, mitambong siya kay matud niya biktima usab siya sa fake news nga gipakalat dili lang sa social media ug mainstream media, kondili lakip na sa ubang grupo sa mga mamahayag sama sa SWS.

Busa, dapat dili lang i-limit sa mga DDS bloggers ang maong imbestigasiyon, kondili, ang tanan nang news outlets labi na ang mga higanteng publishing sama sa Inquirer ug uban pa.

Dali rang nakatubag si Public Order and Safety committee chairman Kongresista Dan Fernadez nga mao kini ilang gibuhat ugaling lang, dili mahimong dunganon kay sobra ra kadaghan. Maong 40 DDS bloggers ray ilang naimbitar.

Pero dhang mipaloap-sukna si Rep. Marcoleta kon giapil ba nila ang Inquirer ug uban pa, namatud-an, nga wala nila kini mapahibalo.

Hinuon, si Fernandez misaad, nga sa sunod ila na kining patambongon.

Pagsugod sa maong hearing, nangahayblad na pipila ka miyembro sa Tricom sanglit walay bisan usa sa 40 DDS bloggers ang mitambong. Si Rep. Joseph Stephen Paduano, kinsa allergy kaayo sa presensiya ni Rep. Marcoleta, wala makapugong sa pagpahungaw sa iyang kabastos, kinsa isog namulong nga bisag dili miyembro si Marcoleta sa ilang komite, giuyonan gihapon niya kini aron lang matuman ang gusto niini.

Dihang gihatagan nag higayon si Rep. Marcoleta nga makabatbat sa iyang kasinatian isip biktima usab sa fake news, nahisgotan niya ang SWS diha sa pagpahigayog pekeng pre-Senatorial-election survey alang sa mga milansar pagka-Senador.

Matud niya, base sa dala niyang ebidensiya, 40 ka pangalan kunoy nalista sa SWS survey. Diin, hasta mga kanhi iladong mangangalagad nga wala modagan, giapil ug may pipilang gipanglista nga wala siya makaila.

Ang makadismaya, kay bisag wala si Marcoleta sa listahan, pagpagawas sa resulta sa maong survey, gipatik pag-apil iyang ngalan, diin anaa siya sa pang-36 nga dapit. Dili ba, dakong lipatlipat-hokus-pokus-binuang?

Unta, sa sunod Tricom fake news hearing, motambong taga SWS aron maladlad-masayran ang ilang habig: kon tinuod ba ang gisaysay ni Rep. Marcoleta, o dili? Sanglit, kon mapakyas sila paglimpiyo niining mahugawng isyu, seguradong sila ra poy mapurihisyo!