Pagpamalandong Matag Domingo

Gihalad ang atong Ginoo ngadto sa Templo. Dunay duha ka mga mahinungdanong mga personalidad.

Sila si Ana ug Simeon matag usa nanagna kalabot sa bata nga gidala nila ni Maria ug Jose.

Bisan pa man kun ang maong panagna sakit palandungon apan pinaagi lamang sa pagdawat niini makabaton ang tanan og kagawasan ingon man kahayag sanglit niabot naman ang nagdala niini nga walay lain kondili ang atong Ginoong Jesus.

Kasinatian

Matag Pebrero 2 atong saulogon kining maong piyesta ug kuyog ning maong kasaulogan mao man sab ang pagsaulog sa naandan natong pagbendisyon sa mga kandila kun kandelaria.

Nipahinumdopm kini kanato nga kita gilamdagan diha sa mangitngit nga bahin sa atong kinabuhi anaa si Kristo nagabanwag kanato.

Sa laing bahin nagdasig usab kini kanato sa paghatag og kahayag ngadto sa uban pinaagi sa atong sanglitanan.

Lihok

Dasiga ug hupaya ang imong isi’g ka ingon karong semanaha. Pagkahimong kahayag alang sa uban pinaagi sa imong binuhatan.

Pangamuyo

Tanan: Amahan, anaa kami sa kangitngit. Salamat kay imong gihatag kanamo si Jesus among Ginoo nga maoy among iwag ug dan-ag.

Hinaut nga ang kahayag nga among naambiitan gikan kaniya amo pud untang mapaambit ngadto sa uban. Pinaagi ni Kristo among Ginoo. Amen.