Ang pagtugot sa sayop ang pagtugot sa sayop

Matag usa kanato ang gihatagan sa Dios og panghunahuna aron makahimo og paghukom sa kinabuhi.

Ang matag hukom dili lang alang sa atong kaugalingong kaayohan kondili ato usab nga ilambigit nato ang kaayohan sa uban.

Daghang mga ideolohiya karon ug mga baruganan nga nindot paminawon apan dili kasaligan tungod kay sa sinugdanan pa lang daan sayop na. Katungdanan sa bisan unsang liderato nga panalipdan ang iyang panon gikan sa bisan unsang matang sa infiltration nga mahitabo bisan pa man kun ang maong pamaagi naghisgot kunohay sa pagtudlo sa maayong pamatasan.

Magtudlo lagi apan dunay nagpahipi nga katuyoan aron mangagni sa tinuohang buktot ug salikwaot. Ang tagdumala nga niuyon niini nga walay dayag nga konsultasyon sa iyang mga sakop usa ka matang sa tawo nga nigamit sa iyang gahom ingon nga prebilihiyo ug dili pangalagad.

Lihok kini sa yawa ug nagasukad kini sa yawan-ong pagbati ug hunahuna. Sama sa pagtuo nga dili panalipdan sa usa ka matuohon usa man ka dakong sagpa sa pagtuo nga iyang gibungat apan wala niya mapuy-i.