Ministry of Deliverance Team

(Katapusang Bahin)

a.) Sinulat nga Pagtugot ug pirmado sa pasyente. Dinasonan sa banay niini nga ang mga hingtungdan niuyon gyud sa proseso.

 b.) Sinulat nga pagtugot usab gikan sa Kagamhanan sa dyosesis  diin nahisakop ang pasyente o biktima. Sama pananglit sa Taga Maasin nga buot magpaubos sa eksorsismo dinhi sa Sugbo ug temporaryong nagpuyo sa Sugbo alang ning maong katuyoan. O ang pagtugot sa kura kun ang biktima anaa sa laing Parokya.

c.) Sinulat nga pagtugot gikan sa doktor nga nag-atiman sa pasyente labina kun duna siyay mga medical conditions. Tumong niini aron maseguro nga walay mga komplikasyon nga mahitabo sa pasyente labina kun mopaubos siya sa eksorsismo. d.)   Rekomendasyon gikan sa Psychiatrist labina kun ang pasyente dunay gihambing suliran sa pangisip o nisuway sa paghikog.

6. ASAP (Always Say A Prayer)

Ang pundok kun ang Deliverance and Exorcism Team kinahanglang magpuyo sa kinabuhi sa pag-ampo adlaw adlaw sa ilang kinabuhi. Hinumdomi ang pag-ampo dili lamang usa ka paglitok sa mga pulong sa pag-ampo hinunoa kinahanglang motuhop kini sa kasingkasing sa tawo. Matud pa ni San Pablo sa iyang Unang Sulat sa Taga Tesalonica: “Pag-Ampo sa Tanang Panahon!” Dugang pa himoang kabahin sa inadlaw nga kinabuhi ang pagrosaryo, pagdebosyon ngadto sa mga santos, pagduaw sa Santisimo Sakramento, Misa ingon man ang paggamit sa mga sakramentales uban ang debosyon.

7. Deus Ubique Est (Bisan Asa anaa ang Dios) hinumdomi gikinahanglanon kaayo nga magpuyo kita diha sa presensiya sa Dios adlaw adlaw. Bisan asa anaa siya ug dili kita makatago kaniya.