^

Banat Opinyon

Napilde sa propaganda

ARANGKADA - Leo Lastimosa - Banat

Labing dagkong bentaha sa pangangkon sa Pilipinas sa West Philippine Sea (WPS) mao ang balaod ug kamatuoran. Way kapuslanan ang higanteng mga barko ug mas gamhanang puwersa sa China, kay ang kinabag-an sa kanasuran sa kalibotan nahibawo kinsay gipaboran sa international law ug kinsay nagsulti sa tinuod.

Pero wa papugong ang China sa pagtukod og artificial island ug military bases, mas agresibong pagpanghasi sa mga mangingisda ug mga sundawo ug mga barko sa Pilipinas, ug padayon nga pagpakatap sa dubok nga pamakak nga sila ang tinuod nga tag-iya sa WPS.

* * *

Ang labing uwahing insidente sa Ayungin Shoal niadtong Lunes sa buntag nakapatumaw sa bag-ong bentaha sa China:

Sila ang una nga nakapahibawo sa kalibotan sa insidente nga puno sa sayop nga mga detalye pero kay dugay mang nakahatag sa ilang bersiyon ang mga opisyal sa Pilipinas way paagi ang mga Pilipino ug ubang kanasuran pagsusi sa tinuod nga hitabo; ug

Gawas nga uwahi nang nakatingog wa pa gyod magkadimao ang mga reaksiyon sa Armed Forces of the Philippines (AFP), National Security Council (NSC) ug Philippine Coast Guard (PCG).

* * *

Bisan way klarong detalye, ang mga pangangkon sa China Coast Guard (CCG) mao ray nabatian sa mga Pilipino ug sa mga molupyo sa ubang kanasuran sa kalibotan ug wa matubag sud sa pila ka takna niadtong Lunes sa buntag:

Nagkabangga ang mga barko sa China ug Pilipinas duol sa Ayungin Shoal;

Nipaduol ang barko sa Pilipinas bisan sa mga pasidaan  sa barko sa China; mao nga ang

Pilipinas maoy sad-an sa panagbangga.

* * *

Unang reaksiyon gikan sa AFP mao ang pagdumili pagkomentaryo sa pangangkon sa CCG. Ikaduhang reaksiyon gikan sa NSC mao ang pag-angkon nga giguyod sa barko sa China ang barko sa Pilipinas. Ang US Embassy maoy unang nakataho nga dunay naangol sa insidente.

Hangtod sa Martes sa buntag, tak-om ang AFP sa mga detalye sa resupply mission. Ang PCG niingon nga AFP ang nagduma sa operasyon. Pagsuwat nako ini, nitumaw nang mga detalye nga pito ka sundawo nasamdan, walo ka armas nasakmit, upat ka rubber boats nailog, usa gibuslotan, ug wa kalahos ang suplay para sa mga sundawo sa BRP Sierra Madre.

* * *

[email protected]

vuukle comment

WEST PHILIPPINE SEA

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with