^

Banat Opinyon

Pahimangno: Ila-Ilaha ang Imong Kaaway

MGA LAMAS SA KINABUHI - Fr. Rey Cui - Banat

Sa Paagi nga mopadayag ang mga demonyo sa atong Kinabuhi

Ang tanang mga demonyo magsugod ingon nga mga demonyo diha sa atong hunahuna. Ang tanan nagsugod gyud sa atong hunahuna. Ang bisan unsang dautan ug sala mahimong matanom diha sa atong alimpatakan nga kun dili kita makamatngon mahimong motandog ug mosulsol sa atong kabubut-on. Kini ang pasiunang pagbanhig nila kanato.

Matud pa: “ Ang Espiritu klaro nga nag-ingon nga sa umaabot nga panahon may mga tawo nga  Mamiya sa ilang pagtuo. Maoy ilang sundon ang mga limbongang Espiritu ug ang mga pagtulon-an sa mga yawa.” (1 Timoteo 4;1)

Nahimumdom ko niadtong naghimo kami sa among Ignatian Retreat, sa Jesuit Retreat House dunay pari nga si Padre Gozar. Sa matag saulog niya sa misa kanunay namo nga madunggan ang iyang giingon: “Sala sa hunahuna kun sins of the mind!” Karon lang nako natugkad kun unsay buot niyang ipasabot niadtong mga pulonga.

Dili kita ang tag-iya sa atong hunahuna. usahay wala kitay control niini. Mao nga kun dili kita magbinantayon mahimong matinuod ang giingon ni Lao Tzu. “Bantayi ang imong hunahuna, mamahimo silang pulong, matngoni ang imong mga pulong mamahimong binuhatan, matngoni ang imong binuhatan mamahimo silang naandan, matngoni ang imong naandan mamahimo sillang kinaiya, matngoni ang imong kinaiya mamahimo silang imong destino!” kun unsay atong gitanom ug giumol sa atong hunahuna mamahimo kining moresulta ngadto sa walay pagpugong sa atong mga galamhan. Gikinahanglan ang pagkamaamgohon sa imong kaugalingon lakip na niini ang imong kusog ingon man ang imong kahuyangan. Ning paagiha, mas dili ka mamahimong mapasagaron labina gyud diha sa imong pagpakig-asdang sa imong mga kaaway lakip na niini ang yawa. Dugang pa, kiinahanglang anaa ka diha sa presensiya sa Dios adlaw adlaw sa imong kinabuhi. Kay ang pagpunay og hunahuna sa Dios ug bisan unsang Diosnon makatabang gayud kaayo nga magbuhat ka og mga butang nga Diosnon. Kay matud pang San Juan Maria Vianey patron namong mga pari: “Himoa ang Dios ingon man ang mga anghel ingon nga inyong mga saksi.” Bisan pa man kun wala hisayri sa kadaghanan ang imong mga kasal-anan ang Dios hinumdomi nagsud-ong kaninyo.

vuukle comment

ESPIRITU

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with