^

Banat Opinyon

Hinaut mahusay na ang controversy sa MCWD

IYO ANTOY - Antolin dela Serna - Banat

Niining clarification nga giluwatan sa Local Water Utilities Administration (LWUA) bahin sa maingon ta, mga misunderstanding ug miscommunication tali sa city hall ug sa MCWD, maoy atong panghinaut mga matapos ug mahusay na kining tanan.

Kay lagi, alang kanako, maapektahan man gud ang pangalagad publiko. Sa ato pa, ang lungsod would be at a loss. Ug kon unsa man ang hinungdan niining tanan, manghinaut usab kita nga walay kalambigitan niini ang politika.  

Sayud kita nga gumikan sa naghingapin natong pag-pamolitika, hinay kaayo ang pag-uswag sa atong nasud, ug, modagayday kini sa mga LGUs.

So, let’s set aside politics muna. Layo’ pa bitaw ang 2025 midterm elections.

*  * *

Kinsa ba to ang nag-ingon nga mamaligya og tag-P20 ang kilo ang bugas? Dili ba kaha ni agop-upon? Nasayop lang tingali ko'g paminaw, kay sa pagkakaron nag-sige pa man og saka sa mga presyo sa mga palaliton, sama sa bugas.

Akong nasayran nga ang palitunon namong bugas, tag-P3,000 na ang sako. Sa ato pa, tag-P60.00 nam ang kilo. Last time namong palit, P2,800 pa ang sako. Dali ra kaayong misaka ang presyo.

Kon gihatagan pa sa atong gobiyerno sa unang mga pagtagad ang food production, labi na sa bugas, dili unta tingali magnihit ang bugas karon, nga napugos kita pagpamalit niini gikan sa gawas (rice importation).

Karon, naghisgot sila pag-modernize ug pag-mechanize sa pang-uma. Alang nako, late na kini, kay dili man kini ma-diha-diha dayon ang pagtuman niini. Aku pa kaayo amg gasto niini.

In the meantime, moagi una kita og pagnihit ug pagsaka sa prisyo niini. Sa ato nang gibalik-balik dinhi, sa ubang kanasuran, ang agricultural/food production maoy usa sa gihatagan nila sa unang priority, aron dili magutman ang katawhan sa higayon nga mohasmag ang bisan unsa nga matang sa krisis, natural, o man-made man.

In fairness, hinuon, naningkamot baya ang atong gobiyerno nga dili kaayo kita maapektahan pag-ayo sa inflation. Nanghatag sila og mga subsidies ngadto sa nagkalainlaing sector, sama sa mga driver ug mga mag-uoma, to cushion the impact of rising prices.

Giingon nga resilient kuno kitang mga Pinoy, flexible, daling maka-adjust ug maka-adapt sa mga bag-ong hitabo. Mao, nga niining atong kahimtang karon, nga gihagwa kita sa nagkalainlaing matang sa suliran, we can manage, we can come out victorious. Just be positive, be optimistic.

Mahitungod gihapon sa bugas, niay headline sa The Philippine Star nga nagkanayon: “P20/kilo rice not yet possible, says DA chief.” Sa ato pa, dili pa mahimo karon ang pagpamaligya sa tag-P20 ang kilo sa bugas.

Mao nay iksakto. Be honest. ‘Anisay’ lang gud  ta, matud pa. Kinsay nagsulti niini? Ania: “Achieving the ‘aspiration’ for rice at P20 per kilo is not possible at this time, but the government will work on bringing down prices to affordable levels for consumers, newly installed Agriculture Secretary Francisco Tiu Laurel Jr. said.”

Pagkakaron, dili pa kini ma-achieve, gumikan sa mga challenges sa panahon, sama sa climate change, El Nino, ug geopolitical tensions sa ubang kanasuran. Dugang pa, naapektohan usab kiita sa pagsaka sa mga prisyo sa world market. 

LOCAL WATER UTILITIES ADMINISTRATION

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with