Katekesis No. 88

Pag-Ampo

Ang pag-ampo mao ang ganghaan ug agianan alang sa daghang mga grasya. Kun sirado ang ganghaan unsaon man paghatag sa Dios niini? (Sta. Teresa de Jesus)

Pag-ampo sa kanunay. Si Jesu-Kristo ang wala lang mopahimangno sa iyang mga tinun-an sa iyang kapanahonan.

Ang maong pahimangno mahimong alang usab kanato karon sa kasamtangan.bisan pa man sa daghanang mga kasamok ug kabalaka nga nihulga sa atong kinabuhi sa pag-ampo apan tinabangan sa grasya sa Dios ang tanan mahimo. Nagpasabot kini nga:

1. Makaampo lamang kita kun dili kita magsalig sa atong kaugalingong katakus ug gahum.

2. Ang kanunay nga pag-ampo matud pa ni Santa Teresa de Jesus ang usa man ka matang sa pakigkukabildo sa Ginoo.

3. Sama ni Santa Teresa de Jesus ato unta kining pangayoon sa kahitas-an ingon nga panalangin alang sa atong personal ug katilingbanong kalamboan.

Pag-ampo

Ginoo himoa akong magpuyo uban kanimo ingon nga akong higala.

Bisan asa man ako ug bisan unsay akong buhaton unta, dili mo ako biyaan. Himoa nga anaa ako kuyog kanimo sa kanunay sa tanang mga adlaw sa akong kinabuhi.

Unta makita ko ikaw dinhi sulod sa akong kaugalingon.

Magpabilin unta ako kanimo ug tudloi ako aron mas makaalagad ako kanimo pinaagi sa uban.

Mas masabtan ug matugkad ko unta ang imong kabubut-on alang Kanako nga imong sulugoon. Amen. (cf. Sr. Isabel)