Gibun-og sa kapuyo
Dear Atty. Divine,
Usa ko ka single mother ug duna koy usa ka anak. Nagbuwag mi sa akong live in partner tungod sa iyang pagka abusive ilabi na kun siya mahubog.
Makadaghan nako niya gibun-og apan wa ko maka pa medical. Di nako gusto nga makig- uli pa niya kay bati kaayo siya og batasan ilabi na kun mahubog.
Karong bag-o nagsige siya og samok nako kay gustong makig-uli.
Unsay akong buhaton aron di na siya makaduol nako? Daghang salamat. — Lucia
* * *
Dear Lucia,
Mamahimo kang mopasaka og kasong kalapasan sa Republic Act 9262 kon Anti-Violence against Women and their Children batok sa imong live-in partner tungod sa physical og psychological violence nga iyang gibuhat batok nimo.
Ang maong kaso usa ka criminal case busa mamahimo siyang mabilanggo kun siya mapamatud—an niini.
Mamahimo sab ka nga mo-apply og Barangay Protection Order (BPO) sa inyong barangay aron di na siya makaduol nimo.
Ang BPO good for 15 days lang kana so after sa BPO modangop ka sa korte aron sa pagpangayo og Temporary Protection Order o Permanent Protection Order.
Kun makakuha ka niini, dili na mamahimo nga makaduol kanimo ang imong kanhi live-in partner. Thank you and God bless.
Atty. Divine
* * *
Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest