Katekesis No. 83

Ang Paghari sa Dios

Binasi: Mk. 4;26-34

Diha sa atong pag-ampo sa Amahan Namo kasagaran atong madungog ang pag-ampo sama pananglit sa:

“Moabot unta ang Imong Gingharian!” Apan kun maghisgot kita sa original Greek ang mga pulong gigamit: Baseleia tou theou!” kun Maghari ka unta Kanamo! dili gingharian apan paghari sa Dios

Ang ebanghelyo ni Marcos ang nihulagway sa paghari sa Dios ingon sama sa liso sa mustasa nga human matisok ang nitubo sa paagi nga lisud tugkaron sa tawhanong hunahuna.

Nitubo kini diin matud pa, nanugdon ang mga langgam aron magpasilong sa landong niini.

Adunay pipila ka mga punto sa pamalandong:

1. Una, ang paagi sa Dios lahi sa atong pamaagi. Apan mas makaayo alang kanato nga mosulod sa proseso nga gilatid alang kanato.

2. Ikaduha, matud pa sa mga theologians nga ang paghari sa Dios anaa na apan wala pa. Anaa na tungod kay gisugdan naman kini ni Jesus.

Wala pa tungod kay anaa pa man sa proseso sa pagtukod ug kita ang gidasig nga manginlabot.

3. Ikatulo, pagpanginlabot diin atong himoong awaton kining mosunod:

a. Pagtuo sa Dios ingon nga kauban ug manluluwas.

b. Paglaum nga nindot gihapon ang kinabuhi taliwala sa mga pagsulay niini.

c. Paghigugma bisan kanila nga lisud kaayo higugmaon.

Apan ang tawo gilalang nga mahigugmaon mahinungdanon nga siya magpabilin sa gihapon niini.