Pinaskohan alang sa mga Sugboanon

Kining wala tuyoa nga panagtagbo nila ni Mayor Mike Rama ug kanhi Mayor Tom Osmeña, alang kanako, pinaskohan kini alang kanatong mga Sugboanon sa siyudad. Maayo unta kon magpadayon kini nga atmosphere, kay wala gayuy katarungan nga magpabilin nga maghuot ang atong dughan batok sa isig-usa.

Giganahan kaayo kong mibasa sa headline sa The Freeman nga nagkanayon: “Cordial encounter between Mike, Tom.” Imagine, cordial encounter sa duha ka prominent personalities sa dakbayan.  Cordial, sa ato pa, friendly, sociable, affable, affectionate, buddy-buddy, etc.  

Ania: “A Christmas party for children in Barangay Punta Princesa has brought together Mayor Michael Rama and his political mentor-turned nemesis, former mayor Tomas Osmeña, over the weekend. The chance encounter was cordial with the two reportedly exchanging pleasantries.”

Sa ilang pakigkabildo walay mahait nga mga pulong ang migula sa ilang mga baba. Pleasant gud.

Matud ni Mike, bisan tuod og unexpected ang ilang panagkita, apan,“it was something he had been looking forward to,“ug iyang gidayeg ang Ginoo nga sa maong higayon nga nagkakita sila pag-usab sa kanhi kauban niya sa politika.

Dugang pamahayag ni Mike: “It was really for me, a fulfilled thing that I look forward to. What is there to be quarreling? What is there to be keeping bitterness and vengeance? What is there to develop rancor? What is important, is to live a legacy. We don’t own this world. One day each of us will be out. What is important is LaL …”Leaving a Legacy.”

Nindot kaayo. Ang politika dili unta mahimong babag sa atong tinguha sa paghiusa, alang sa kalambuan natong tanan, regardless sa mga political affiliations. Matud ni Pope Francis: “We have many things to do. And we must do it together.”

Mao usab kini ang linya ni Mayor Mike: “Together we can make things happen.” Unsaon nato pagka-together kon maoy atong paharion ang politika? Giingon nga ang politika sa atong nasud, dula sa Yawa. Game of the devil.

Sa ato nang gibalikbalik dinhi, ang pulong politika, per se, dili hugaw, dili dautan. Ang Roget’s Thesaurus nagkanayon: “Politics is an art and science of administration of government affairs.” Simple ra gud kaayo ang kaulogan sa politika. Art and science pagdumala ug pagpadagan sa mga kalihokan ug gimbuhaton sa gobiyerno.

Walay hisgot dinhi ang vote-buying, ang pag-balimbing, ug political dynasty. Sa ato pa, ang pulong politika, limpiyo. Ambut ngano nga dinhi sa atong nasud, hugaw man ang atong impression sa politika?  Kinsa may naghugaw-hugaw niini, ang mga politiko, o kitang mga lungsoranon mismo?

Giingon dinhi nga ang kaugmaran ug kalamboan sa nasud, mag-agad sa matang sa mga poltical leaders nga atong gitugahan pagdumala ug pag-administer sa mga affairs sa kagamhanan.

Sa iyang sinuwat giulohan What Makes a Filipino Leader, si Emerald D. Ilac, nagkanayon: “The desired and ideal characteristics of the Filipino leader, is one who is mainly-person focused and group-centered, while also knowledgeable on the job.” Mao ba kini ang main characteristic sa atong mga gipili sa niaging eleksiyon?

Unya: “Easy to talk to (tingalig lisud na igkita), and one who listens with understanding and compassion.” Paminawon kaha kanila?