^

Banat Opinyon

Lahi ra gyud ang fiesta sa bukid

LABTIK - Alan P. Domingo - Banat

Gisaulog kagahapong adlawa ang fiesta sa Immaculate Conception sa simbahang Katoliko ug wala ko magdahum nga sa usa ka sitio sa bukirang barangay sa dakbayan sa Sugbo makamista ko.

Aduna man gud kami news coverage sa naasoy'ng barangay dihang nakaagi kami sa sitio Buatis, Barangay Lusaran nga bibo ug aduna usay nagmisa sa kapilya, samtang ang halos tanang balay nga akong naagian daplian sa karsada aduna gyuy gipangtuyok nga litson.

Nihunong ang akong team ug gi-feature namo ang fiesta celebration sa Immaculate Conception ug didto ako nahingangha sa ka maayong gawi sa mga tawo nga daw nakahinumdum ko sa batasan usab sa mga probinsyano nga tagdon ug pakan-on ang     tanan.

Average ang ilang panginabuhi ug ang ilang pagpuyo apan buotan ug maabiabihon kaayo sila sa mga tawo nga namista sa ilang mga pinoy-anan, dili sa ingon nga usa ko ka news personality maong giabiabi ko og tarong kay ang tanang mga tawo parehas ang ilang pagtagad.

Ang pamilya ni Therese Alcantara ang bongga kaayo ang gasto, upat ka mga inasal nga tag 60 kilos ang ilang gibayang sa talad kan-anan.

Gawas sa inasal nga baboy duna pa gyuy daghang putahe nga walay tihiktihik ang kalami sa kahumok sa hamonada, humba, linat-ang manok bisaya pastilan kalami gyud.

Bisan kadtong mga namaligya sa daplin sa karsada gipadayon ug gipakaon. Ingon niana ka buotan ang mga tawo sa bukid.

Samtang namatikdan usab nako ang mga tawo nga namista nga maghuwat gyud og agdahon kay maulaw ug maikog, dili sila mga sirok nga mohasmag lang. Tinuod gyud ang fiesta sa bukid walay sama ka nindot kay sa among pagbiyahe na gipara among sakyanan kay giagda mi nga pakan-on, kong wala lang mi laing coverage sa bukid kaayo gyud nga ihunong og mokaon.

Bitaw sa tinuod lang nga pagkaestorya sa malamboon nga syudad ug kong anaa sa sentro murag dugay na kini wala nako nasinati bisan gani sa mga silingan dili na magkailhanay, iyahay nalang sa pagpasiugda sa kombira.

Bisan og wala planoha ang akong pagpamista kay nakahapit ra mi sa sitio Buatis Barangay Lusaran apan na-appreciate nako ang ilang pamatasan nga genuine ug walay sagol nga pagpakarong-ingon sama sa kalami sa ilang pagkaon ang ilang kinaiya ngadto sa isig ka tawo.

BUKID

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with