Katekesis No. 50
Ako Katoliko
(cf. Gikan sa Baltimore Catechism)
Ang pulong Katoliko nagpasabot og malukpanon kun universal. Kun atong sumadahon ang atong relihiyon nga Katoliko ang nibarog ning mosunod nga mga prinsipyo:
1. Adunay Dios
2. Ang kalag sa matag tawo immortal
3. Matag tawo ang adunay obligasyon sa pagbansay sa iyang tinuohan kun relihiyon.
4. Ang relihiyon ang gipadayag sa Dios pinaagi kang Kristo Jesus.
5. Si Jesus mao ang nagtukod sa simbahan.
6. Ang bugtong matuod nga tinuhoan mao man ang Katoliko nga Simbahan.
Atong tagsa tagsaon ang pagpasabot niini:
1. Ang pagmatuod nga dunay Dios
Ang uniberso mismo ug ang kahan-ay niini nagmatuod man sa Diosnong gahum nga nihimo sa maong han-ay.
2. Unsaon pagmatuod nga ang Kalag: Imortal
Ang kalag immortal tungod kay ang panghunahuna sa tawo, espirituhanon. Nga sa ato pa ang kalag espirituhanon. Ang kalag maoy naghatag og kinabuhi sa lawas. Ang lawas madugta apan ang kalag mopadayon ug sa Dios makig-atubang.
3. Nganong kinahanglanong bansayon ang Relihiyon?
Matag tawo dili mabuhi kun wala ang Dios. Halayo sa Ginoo wala kitay mahimo. (cf. Jn. 15;5) sa ato pa nagpasabot kini nga ang atong pagsimba sa Dios wala makapadugang sa iyang kahalangdon hinunoa, nakapatubo kanato sa iyang grasya.
4. Unsaon pagmatuod nga ang Relihiyon gipadayag sa Dios pinaagi kang Kristo Jesus?
a. Si Jesus mao ang pinadala sa Dios nganhi kanato aron si bisan kinsa ang motuo kaniya dili mamatay kondili makabaton sa kinabuhing walay katapusan.
b. Si Kristo Jesus naghimo og mga Milagro nga maoy pagmatuod sa iyang pagka dinihogan.
5. Si Kristo Jesus ang nagtukod sa Simbahan?
a. Nagtawag siya og mga tinun-an nga iyang gitawag og mga apostoles. Si Pedro iyang giingnan: “Ikaw Pedro ug Ibabaw ning bato tukoron ko ang akong Simbahan!”
b. Iyang gisaad nga bisan gani ang ganghaan sa Impiyerno dili makabuntog niini.
c. Iyang gidasig ang iyang mga tinun-an sa iyang pag-ingon: “Panlakaw kamo sa tibuok kalibutan, ug bunyagi sila sa ngalan sa Amahan ug sa Anak ug sa Espiritu Santo!” (Sumpayan)
- Latest
