^

Banat Opinyon

Bato dili na bato

JAV, BANATI! - Javier Tapulado - Banat

Panahon ni kanhi Presidente Rodrigo Roa Duterte (PRRD), si General Ronald ‘Bato’ dela Rosa maoy gihimo niyang Philippine National Police (PNP) chief.

Sanglit gipakasama niya sa bato ang kalig-on sa pagpangalagad niini. Ug gipruyba ni Bato nga wala masayop si PRRD.

Gikan sa drug user ngadto sa naglihok nga illegal drugs syndicates, daghang nangadakpan. May mga dagkong isda nga nangamatay.

Ug usab, mga gagmay nga halos kada adlaw mangahagba sa dalan nga wala nay kinabuhi panahon sa drug buy-bust operations.

Wala magustoi sa Commission on Human Rights ang War on Drugs ni PRRD. Grabe silang nakasaway ug gipagawas pa nila nga extrajudicial killings kuno ang gihimo sa kapolisan ug sa atong presidente.

Apan sama kagahi sa puthaw ang political will ni PRRD nga gisuportahan sab sa kalig-on ni PNP Chief Bato. Hinungdan, nga mihinay gyod ang pagpayuhot sa ginadiling drugas.

Apan dihang nakatungtong na sa Senado si Senador Bato ug si PRRD gipulihan na ni Presidente Bongbong Marcos (PBBM), daw nausab ang panan-aw ni Bato bahin sa war on drugs. Tiaw bay, mipanday siyag balaudnon sa Senado, nga i-discriminalize ang paggamit-usar og shabu o uban pang illegal drugs? Daghang Digong Duterte supporters ang nahibulong ning kalit niyang pagkasintunawo.

Ang iyang rason mao, nga paagi kuno kini aron maluagluag ang naghuot nang mga prisohan sa nangapriso. Pastilan, pagkamabaw og panghunahuna.

Klaro kaayo kining mialkontra sa war on drugs ni PRRD kang kansang tumong, ang pagsalbar sa nagubang kaugmaon sa kabataang naulipon na sa gidiling drugas.

Wala kaha maasohi sa gahom sa shabu ang kaisipan ni Bato? Hinungdan, nga daw misimang na ang dagan niini?

Ang shabu user namatud-an nang mounay pagpatay sa iyang inahan, mounay og lugos sa iyang manghod nga 6-anyos ug molayat sa taas sa bilding kay nag-hallucinate nga may yawang migukod niya, unya himoon na hinuong legal ang paggamit niini? Inay did-an ang tanan pagsuyop og shabu aron hingpit nang mahunong ang illegal drugs business, daw giawhag pa hinuon niya ang drugs syndicates pag-produce pa more?

Pastilan, ang kanhi Bato sa pagpamunoan ni PRRD, nahimong dili na bato ning pagpangulo ni PBBM. Ngano kaha? Nag-change citizenship na ba siya?

RODRIGO DUTERTE

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with