^

Banat Opinyon

Simbolo sa paglaum ug kalig-on

LABTIK - Alan P. Domingo - Banat

Human napabarog, napasigaan na siguro tanan ang mga Christmas tree diin usa niini ang higanteng christmas tree sa Fuente Osmeña dakbayan sa Sugbo.

Dunay kurot o kusi sa atong kasingkasing ang pagsaulog sa Pasko tungod usab sa grabeng trahedya nga atong nasinatian nga mao ang pagkusokuso sa supertyphoon Odette.

Pagkadali sa panahon mura’g kagahapon ra man to nga gilampormas sa Odette apan hapit usa ka tuig naman diay, bisa niini sakit gihapon handumon ang nahitabo.

Kining 120-foot Christmas tree sa Fuente usa ni sa gipahagba sa bagyong Odette nga nasinama sa halos tanan nga mga tawo nga nahagba usab niadtong higayona.

Apan karong paskoha subling nakabarog ang Christmas tree nga nagsimbolo usab sa atong hingpit nga pagbangon. Ang desinyo niini adunay kahulogan sama sa snowflakes ug mga parol nga gipangbitay nga susama sa bitoon nga nagdan-ag kanato sa panahon nga anaa kita sa kangitngit sa kinabuhi.

Ang mga dagkong regalo nga anaa sa tiilan sa Christmas tree susama sa atong kaluwasan gikan sa katalagman nga atong nahiaguman.

Labaw sa mga material nga butang ang labing dako nga gasa gikan sa Ginoo mao ang atong kinabuhi busa angayan lang pasalamatan nato siya sa kanunay paghatag kanato og proteksiyon.

Napamatud-an nato nga makahimo kita sa pagbangon aron mopadayon alang sa kaugmaon nato ug sa atong mga mahal sa kinabuhi.

Sa pagsaulog nato sa Pasko, angayan lang ang Ginoo maoy sentro dili ang personal nga kahakog sa kalipayng tawhanon.

Unta wala nay dagkong mga katalagman nga mahiaguman. Kong aduna man simbako lang makaya lang uban sa hugot nga pagsalig sa atong Manunubos nga nagluwas kanato.

CHRISTMAS TREE

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with