^

Banat Opinyon

Nanglimpyo

AMBOT LANG - Gerry Auxilio - Banat

Una pa lang adlaw sa iyang paglingkod pagbaliik sa Bureau of Customs sa Port of Cebu, giusab dayon ni District Collector Atty. Elvira Cruz ang pamaagi sa proseso sa nahisgotang buhatan. Busa mapaabot na sa mga processor ang dali nga pagpagawas sa ilang mga dokumento ilabi na sa pagpagawas sa mga deklarasyon sa ilang mga kargamento.

Gihimo kini ni Collector Cruz human niya makita sa unang adlaw pa lamang ang kahimtang sa mga nagproseso sa ilang mga kargamento nga naglinya sa gawas nga bahin sa entrada sa ilang opisina.

Tungod niini gimandoan dayon ni Cruz ang Enforcement and Security Service sa pagtugot sa mga magpa-process nga makasulod dayon sa lobby sa ilang buhatan ug gipataganan og lingkoranan alang sa ilang kahamogaway.

Gawas niini, gimandoan usab ni Cruz ang tanang division heads sa iyang buhatan sa pagpadali sa mga transaksiyon ug pag atiman sa mga moderekta sa pag-follow up sa mga stakeholders aron malikayan ang pagkalangay ug pagkahasol.

Gusto ni Cruz ang makatawhanong serbisyo busa dili siya gusto nga magpaabot ang mga adunay tuyo sa ilang buhatan ug kon ugaling malangay man kinahanglan nga hamogaway ug harohay sila sa ilang pagpaabot.

Gitisok sa collector sa alimpatakan sa iyang ginsakpan nga sila mga alagad sa publiko ug gipahimangnoan sa pagtinarong sa pagtrabaho, trabaho nga dili maghatag og kahasol sa mga adunay transaksiyon sa ilang buhatan.

Subay sa trade facilitation mandate sa Bureau of Customs, si Cruz misaad sa pagdala og kausaban sa Port of Cebu aron mapataas pa ang kaayohan sa mga adunay transaksiyon sa ilang buhatan.

Mao ni ang wala sa miaging Collector sa Bureau of Customs sa Port of Cebu kinsa milisod-lisod sa mga adunay transaksiyon sa nahisgotang buhatan.

Kay wala na ang dili makamao nga collector sa Port of Cebu ug gipolihan na sa hands-on, makitawhanon ug makamao nga collector makapaabot na ang transacting client og maayong serbisyo.

BUREAU OF CUSTOMS

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with