^

Banat Opinyon

Marcos makapahiubos

JAV BANATI - Javier Yntig Tapulado - Banat

Sa miaging 2022 election campaign’s interview ni Boy Abundia, dihang gipangutana si Liza Araneta Marcos kon kinsay iyang himoong role model sa mga nangaging First Lady dinhi sa ato o sa abroad, ingkaso og si Bongbong Marcos (BBM) maoy modaog, mapahiyomon kining mitubag: “My role model is me. Maybe my mom or my lola.”

Ning mao niyang pamahayag, klarong wala siya makagusto sa kanhi First Lady Imelda E. Marcos, kinsa bisa’g giunsa pa pagdaut sa mga raliyesta, diin nagpatuyang kuno kini sa kabuhong pinaagi sa kinawat gikan sa kaban sa gobiyerno, nakabaton gihapog daghang Marcos loyalists.

Hinungdan, nga pinaagi sa gahom sa social media, diin nagtinabangay ang mga diehard Duterte supporters ug Marcos loyalists nga vloggers pagpanalipod ni BBM batok sa mga hugaw’ng isyu sanglit segurado silang ipadayon ni BBM ang nasugdan nang war on drugs and corruption ni Tatay Digong, wala makaugpo ang kanhi ABS-CBN ug ubang mainstream media nga nagpakita sa ilang pagka pro-Dilawans. Bisag giunsa nila paglabay’g lapok si BBM, siya gyoy gipili-gipadaog sa kinabag-an.

Apan niadtong unang 100 days pa lang nga pagpangalagad ni PBBM, miamag na iyang kahuyang. Nga mas maayo lamang siya sa sulti-paporma sa iyang mga diskurso. Pero sa pag-appoint na og mga limpyo-ligdong miyembro sa iyang gabinite, dili pulido ang pundasiyon sa iyang pagpili.

Ang kadali ra niyang malingla sa mga bakakong hunghong nga maoy nakagiya niya pag-appoint og mga dilawang opisyal, kinsa panahon sa pagpamunoan ni PNoy Aquino, namatud-an nang maoy mipalambo sa gidiling drugas ug korapsiyon sa atong nasod.

Namatikdan!  Pag-appoint niya ni PNP Chief Azurin, DILG Secretary Abalos ug Justice Secretary Boying Remulla, nanggawas ang inadlaw’ng krimen ug miabundag balik ang negosyong shabu nga mihinay na unta panahon ni Tatay Digong. Kon kaniadto ang sagad madakpan, gramos lang, karon mga kinilo na.

Wala sila magustohi sa mga botanteng peace and fair justice lovers, kinsa maoy mipadaog ni PBBM. Ang susamag kaisog-kamatinud-anon sa pagpangalagad ni suspendidong Bucor Chief General Gerald Bantag ug Tatay Digong ang gilaoman nilang maoy ipamutang ni PBBM gikan sa kinaubsan ngadto sa kinatas-ang puwesto sa gobiyerno.

Apan bungol na si PBBM. Dili na makadungog sa subsob nilang panawagan. Busa, makapahiubos tuod, tinuoray!

FERDINAND MARCOS

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with