^

Banat Opinyon

Estriktohon gyud

RENBOR PATROL - Rene U. Borromeo - Banat

Nalipay ko kay ipaguba na sa Cebu City government ang kabahin sa building sa usa ka hotel ug sa usa ka restaurant nga gitukod sa sapa kilid sa General Maxilom Avenue nga maoy hinungdan nga moawas ngadto sa karsada ug kabalayan ang tubig sa sapa kon magbaha.

Gihatagan lang sa Cebu City Hall kutob karong Desiyembre 3 ang tagdumala sa WhiteKnight Hotel ug LightHouse aron gub-on ang kabahin sa ilang mga estraktura nga nakalapas sa three-meter easement sa gitawag og Lahug-Kamputhaw River.

Niining bahina, daygon nako ang administrasyon ni Cebu City Mayor Michael Rama kay sa tanang mga nangaging mayor sa siyudad sa Sugbo, sira ra ang nagpakita og kaisog nga maguba kining maong nakababag sa pag-agi sa tubig.

Sa mga wa makakita, dunay haligi nga semento nga anaa gyud gipabarug taliwala sa sapa, unya gihimoan pa og riprap nga nakapagamay gyud sa gidak-on sa sapa.

Si kanhi DENR Secretary Roy Cimatu nga maoy gikuha ni Mayor Rama nga modumala paghimo’g paagi nga masulbad ang problema sa lunop ug baha dinhi sa siyudad, mihukom gyud nga gub-on ang maong kabahin sa hotel ug restaurant.

Angay man gani nga sila silotan gyud kay nakahatag sila og dakong kahasol sa publiko. Sayonan ka nga dihang miawas ang tubig sa sapa, mikaylap sa karsada ang tubig ug mga sakyanan nalunopan, ilabi na ang kabalayan sa Barangay Zapatera ug Lorega.

Gusto pa gani ko nga kuhaon ni Mayor Rama kadto si Bayani Fernando, kadtong kanhi pangulo sa MMDA, aron aktibo usab nga mangulo sa pagguba sa mga estraktura nga nakalapas na sa mga aseras ug karsada.

Unsaon, ang kadaghanan sa atong mga opisyal dinhi mga talawan kaayo mopatuman sa balaod, mao nga sila abusohan lang gyud sa mga mapahimuslanon.

* * *

Dia pay akong daygon, kana kon hingpit niya nga mapatuman ang iyang kamandoan. Ang bag-ong hepe sa Land Transportation Office (LTO) nga si Jay Art Tugade mimando nga wad-on gyud ang mga fixer diha sa mga opisina sa LTO.

Pagka nindot kon iya kining mapatuman. Kinahanglan nga ang mga district head sa LTO nga dili makasanta sa mga fixers tangtangon niya sa ilang mga pwesto ug imbestigahon.

Ang tinuod, ang mga kawani sa LTO nakaila na kinsa kining mga fixers. Sayonan ka nga diha sa LTO-Mandaue kaniadto, mosu’d gyud kuno ang mga fixers sa mga rehistro sa sakyanan?

Ang amiga nako nga maoy hepe kaniadto sa LTO registration section diha sa Mandaue, gihulga tawon kay giestrikto man niya. Ambot kaha karon kon giestrikto pa ba gihapon kay lain na man ang hepe diha.

HOTEL

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with