^

Banat Opinyon

Pagbag-o na!

RENBOR PATROL - Rene U. Borromeo - Banat

Daghan ang nasurprisa dihang gitangtang ni Cebu City Mayor Michael Rama ang pangulo sa Cebu City Transportation Office (CCTO) nga si Paul Gotiong.

Wa na lang kami mangutana pa sa hinungdan nga gitangtang sa mayor si Gotiong kay iya man kana nga katungod kon kinsa ang ibutang nga pangulo sa mga departamento.

Kami sa Cebu City Traffic Management Board nakapanglantaw hinuon nga ang gitudlo ni Mayor Rama nga bag-ong hepe sa CCTO, si Raquel Arce, motrabaho gyud.

Dugay na ko nga nakaila ni Arce nga motrabaho gyud kon adunay isugo kaniya. Gani, gipasaligan na mi niya sa Traffic Board nga kon dunay isugo, iya gyud nga tumanon.

Nakasiguro ko nga magkinto na karon ang mga traffic enforcers kay estrikto kaayo si Arce batok sa mga binuang, sama sa pagpangilkil sa mga madakpang driver.

Pabor usab si Arce sa akong sugyot nga ang mga traffic enforcers dili na magtago-tago, magpasalipod sa poste, unya mokalit ra paggawas kon may dakpon nga driver.

Para kanamong mga sakop sa Traffic Management Board, kinahanglang display ang mga traffic enforcers nga mogiya sa mga driver aron hapsay ang atong karsada.

Ang katuyoan sa pag-hire og mga traffic enforcers aron pagpahapsay sa dagan sa mga sakyanan, ug ikaduha ra nga tumong ang pagdakop sa mga malapason sa balaod.

Makasulti ko niini kay dihang deputized agent ko sa Land Transportation Office (LTO) kaniadto sulod sa mga upat ka tuig, moapil gani ko pag-traffic kon maghuot ang mga sakyanan kay ang mga driver mag-ilogay ra nga way traffic enforcer.

Bisan ang amigo nako nga si retired police major Jimmy Fortes, nga maoy administrative chief sa CCTO, miangkon nga duna gyuy mga enforcers nga mobiya sa ilang mga pwesto.

Gani si Atty. Rico Rey Francis “Koko” Holganza nga maoy among chairman sa Cebu City Traffic Management Board, nakakita gyud siya nga traffic enforcer didto sulod sa mall atol sa iyang duty.

Giunsa niya pagkasayod nga enforcer to? Nagkaduol sila ug mikalit lang pagtingog ang handheld radio sa enforcer. Ang base control nanawag sa enforcer ug nangutana sa sitwasyon sa trapiko sa gibantayan niyang eskina.

Nakurat si Atty. Holganza kay bisan og ang maong tawo didto sa mall ug wa sa dapit nga iyang gidestinohan, mitubag ni nga “hapsay ra gihapon diri sa akong area.”

Dihang gisugilon ni Atty. Holganza kanamo ang iyang nadeskitahan, way dili makakatawa sa kahimuot. Tuod man, gipakita ko ni major Fortes sa mga folder sa traffic enforcers nga ilang gipatubag sa pagbiya sa ilang pwesto.

Daghan ang miangkon nga gibiyaan nila ang ilang pwesto ug nangayo sila’g pasaylo.

CCTO

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with