^

Banat Opinyon

Katekesis No. 13

MGA LAMAS SA KINABUHI - Fr. Rey Cui - Banat

Upat ka mga katapusang butang

Adlaw sa Panghukom

Biblikanhong Sukaranan

Pagbasa Gikan sa Basahon sa Gipadayag (cf. Gip. 20;11-13)

Unya nakita ko ang dako ug puti nga trono ug ang naglingkod niini. Mipahawa ang yuta u gang langit gikan sa naglingkod sa trono ug wala na kini makita pag-usab. Ug nakita ko ang mga patay inila ug dili inila nagbarog atubangan sa trono. gibukhad ang mga libro ug may laing pang mga libro sa kinabuhi. gihukman ang mga patay sumala sa ilang mga binuhatan nga nahisulat sa mga libro. Unya ang kadagatan, ang kamaatayon ug ang Hades mitugyan sa mga patay nga diha kanila ug gihukman silang tanan sumala sa ilang binuhatan.

Ang Pulong Sa Ginoo

Ang Adlaw sa Paghukom diha sa atong Credo

Ang Credo sa mga Apostoles nagkanayon:

Gikan didto mobalik siya aron paghukom sa mga buhi ug mga minatay. nagpasabot kini nga:

Ang nagbuhat og maayo ug nagpuyo segun sa kabubut-on sa Dios ang makasulod sa himayang dayon samtang sila nga nitalikod sa Dios ug nahimong dautan sa iyang atubangan ang silotan ngadto sa kalayong walay katapusan….

Ang Adlaw sa Panghukom diha sa atong Katesismo

Ang katapusang paghukom mahitabo sa ikaduhang pag-anhi sa atong Ginoong Jesu-Kristo diha sa himaya. Bugtong ang Dios Amahan lamang ang nasayud sa adlaw ug takna, bugtong Siya lamang ang magbuot kun kanus-a kini mahitabo. Inig kahitabo na niini ang Kaangayan nga iya sa Dios maoy mamahimong magmadaugon batok sa dili makiangayong binuhatan sa iyang mga binuhat. Ang GUGMA sa Dios mobuntog sa KAMATAYON. (cf. CCC 1040).

Pagpangandam sa Ikaduhang Pag-Abot sa atong Ginoo

1. Pagpuyo diha sa Inspirasyon ug Kahayag sa Iyang Unang Pag-Anhi.

Matag usa kanato gihatagan og puhonan nga mao ang atong kinabuhi. puy-an nato ang kinabuhi sa pagtuo nga atong ipakita pinaagi sa maayong buhat. Magbinuotan ug magtinarong.

2. Pamalandong sa Kanunay

Sa ato pa ayaw dayon og tuo sa mga sultisulti nga anaa na ang Ginoo niabot na! Ayaw dayon ug tuo. Walay nasayud sa panahon ug takna. bugtong ang Amahan lamang.

3. Walay Nasayud sa Panahon ug Takna

Busa angayan lamaang nga atong andamon ang atong kaugalingon matag adlaw. live as if you will die tomorrow matud pa. Ihatag ang imong best karon  kay ang ugma wala nay kasegurohan.

4.  Ayaw Wad-a ang Paglaum (cf. Tito 2;11-13)

Ang pag-ampo sa dili pa ang Kordero sa Dios nagkanayon: “Mangayo kami kanimo Ginoo nga imo kaming luwason sa tanang dautan, hatagi kami sa kalinaw ning panahona aron tinabangan sa imong kalooy mahalikay kami sa sala ug sa tanang kasamok samtang nagpaabot kami nga malaumon sa pagbalik ni Jesu Kristo among Manunubos!”

KATEKESIS

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with