^

Banat Opinyon

Viscom wad-on na sa Apas

RENBOR PATROL - Rene U. Borromeo - Banat

Mahibalik na gyud diay sa Kapitolyo ang lapad nga kayutaan diha sa Barangay Apas nga gidonar kaniadto ngadto sa militar, og gitukoran og kampo sa kasundalohan.

Sa ato pa, gub-on na diay ang mga building sa militar diha sulod sa Camp Lapu-Lapu? Unya, ang Armed Forces of the Philippines (AFP) maghimo og laing kampo adto sa probinsiya?

Dunay miingon nga ang labing dakong kampo sa kasundalohan kinahanglang adto gyud ipahimutang sa probinsiya ug dili dinhi sa siyudad.

Para kanako, ang Visayas Command adto gyud tukora sa dapit nga duol og pantalan aron nga sayon ra niini ang pagpadala og mga tropa ug kahimanan sa gubat sa laing mga dapit.

Bahin sa gasto, mosugyot ko nga mogahin ang Kapitolyo og kantidad aron magamit sa pagpatukod og bag-ong kampo sa militar sa dapit nga ilang balhinan.

Unya, kanang mga building sa Viscom nga anaa karon sulod sa Camp Lapu-Lapu, magamit ra gihapon kana sa Kapitolyo sa ubang panginahanglan.

* * *

Unsay epekto kon mawala na ang labing dakong kampo sa militar diha sa Barangay Apas? Para nako, dako kaayo og bentaha.

Mangutana mo og ngano? Mahimo na nga makaagi ang mga sakyanan diha sa Camp Lapu-Lapu paingon ngadto sa Banilad, ug ang gikan sa Banilad paingon sa Lahug.

Sa ato pa, dili na magpunsisok ang mga sakyanan sa pag-agi diha sa Gov. Mariano Cuenco Avenue, nga mao ra ang bugtong karsada nga kaagian sa mga sakyanan.

Dugay na kaayo nga dunay awhag ngadto sa kadagkoan sa kasundalohan nga paagian ra unta og mga public vehicles ang karsada sa kampo, apan supak gyud sila.

Gani, kadtong gustong moagi diha palukaton nila’g pass unya mobayad ka og P500 kada tuig. Ang pangutana kay gawas sa kampo, ang ubang kayutaan nga kabahin sa gipagamit sa Kapitolyo ngadto sa militar, giukopar na man karon sa mga informal settlers.

Buyno, naa ra gyud na sa mga opisyal sa Kapitolyo ang paghukom. Pero, kon ang maong kayutaan mahibalik na man gyud ngadto sa Kapitolyo, dili tingali makiangayon nga ihatag ra kana ngadto sa mga nagpuyo karon.

Kinahanglan nga pabayran gyud kana sa mga nag-ukopar sa yuta base sa kantidad niini nga dili mabentahaan ang kagamhanan.

Unya, ang lapad nga Camp Lapu-Lapu grounds, angay’ng himoon nga public plaza kay dihang dapita wa na gyuy public plaza nga kasuroyan sa katawhan.

Usbon ko, dako kaayo ang bentaha nga mawala na diha sa Barangay Apas ang kampo sa militar kay makatabang kini pagsulbad sa trapiko dinhi sa siyudad.

AFP

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with