^

Banat Opinyon

EDITORYAL - Mga iresponsableng drayber

Banat
EDITORYAL - Mga iresponsableng drayber

Daghang mga balaod ug mga ordinansa nga napasar nga ang katuyoan mao ang paghimo og sumbanan sa tanan aron matarong ug mahapsay ang katilingban, apan subo nga daghan sab niini ang kutob ra sa papel ug wala mapatuman.      

Gawas sa mga problema nga kanunay ng gihisgutan nga wala mosunod sa mga ordinansa sama sa hustong pagbahig ug paglabay sa mga basura duna pay lain nga kinahanglan sab atimanon ug hatagan og pagtagad.

Usa sa mga nakatampo sa problema sa trapiko kining mga pasaheroan, moderno ug tradisyonal nga mga pasaheroan nga magpataka lang og hunong aron mag pik-ap og pasahero. Kaning pagpataka nila og hunong bisan dili loading ug unloading area sa kadalanan wala kaayo matutoki sa mga traffic enforcers.

Ang kataw-anan niini, kun ang pasahero mopara sa usa ka dili loading o unloading area, ang drayber moingon nga dili kini pwedeng makahunong ug makapakanaog kanila kay madakpan sila.

Apan kun gani ini og “para” sa pasahero unya naay pasaherong nipara diha sa daplin kay gustong mosakay, otomatiko ra man nga mohunong ang mga drayber, manaog ang pasahero ug pasakyon ang bag-ong mipara.

Wala man lagi mahadlok nga madakpan? Ingon niana ang mga drayber sa pasaheroan karon. Samtang tuod og may rason sila kay gusto silang mokita og dako, gibutang nila sa peligro ang kinabuhi sa mga pasahero ug sa ubang motorista.

Usa sa labing peligrong lugar aron mohunong ug mo-pickup og pasahero mao ang mga eskina nga gidili gyud unta pasakyan ug pakanaogan og pasahero.

Tungod kay kun mohunong kini, malangay ang mga nagsunod kanila ilabi na gikan nitabok sa traffic go signal, sagad sa mga sakyanan nagbulhot pag-abante. Kuyaw madumbolan o masaghiran.

Ang Cebu City gustong himuong Singapore-like ang siyudad mao nga hinayhinay na nilang estriktuhon ang pagpatuman sa mga ordinansa niini partikular ang makadisiplina sa katawhan.

 Maayong apilon nila og disiplina kining maong mga klase sa mga drayber. Dili tanan mabantayan sa mga traffic enforcers ang mga dalan apan nag-abli kini sa bag-ong kasaysayan para sa traffic system sa siyudad, ang paggamit og security camera aron sikupon sa akto ang mga malapasong drayber aron sila pamultahon.

DRIVER

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with