Makapangayo ba og separation pay ang miresign nga empliyado?
Dear Atty. Divine,
Ang among empliyado nga nagtrabaho sud na sa lima ka ka tuig miduso og resignation letter effective immediately. Ang iyang gibutang nga rason sa iyang resignation letter kay nasakit daw siya Ug kinahanglan siyang mopahuway. Gidawat sa HR ang iyang resignation letter bisan kon wa siya motuman sa 30-day notice. Apan karong bag-o nanawag siya sa kompaniya og nangayo og separation pay kay dugay na daw siya nga nagtrabaho sa kompaniya. Ang akong pangutana kUn obligado ba kami sa paghatag kaniya og separation pay nga miboluntaryo man siya sa pag resign? Daghang salamat.
Glenda
* * *
Dear Glenda
Way provision sa Labor Code nga nagmando sa paghatag og separation pay sa mga empleyado nga boluntaryong mo-resign sa trabaho. Sa ato pa, dili obligado ang inyong kompaniya sa pagbayad og separation pay sa inyong empleyado nga mi-resign gawas lang kun kini nalatid sa employment contract o sa Collective Bargaining Agreement or CBA o ba kaha nahimo nang palisiya o practice sa kompaniya nga mohatag og separation pay sa mga empleyado nga mo resign. Apan kun dili kini mao ang practice sa inyong company ug wa sab kini malatid sa iyang employment contract then dili kamo obligado nga mohatag kaniya og separation pay ang company. Ang employer obligado lang nga mohatag og separation pay kon siya ang mitaktak sa trabahante for authorized causes o kon illegal niyang gi dismiss ang trabahante. Thank you and God Bless. — Atty. Divine
* * *
Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
