^

Banat Opinyon

EDITORYAL - Asa gikan ning kinilong shabu?

Banat
EDITORYAL - Asa gikan ning kinilong shabu?

Nakasakmit ang kapolisan og 18 ka kilong gituohang shabu atol sa gihimong operasyon diha sa Barangay Busay, Cebu City niadtong nakalabay nga adlaw.

Mao na tingali kini ang kinadakoan nga nakuhang shabu sa usa lang ka anti-drug operation ning tuiga sa kapolisan dinhi sa Central Visayas nga mobalor og gibanabanang P122 milyones.

Pagkaanugon lang kay  nakamatikod ang subject sa operasyon ug nagdali og sibat gibiyaan hasta ang iyang sakyanan ug ang kinilong shabu diha sa sakyanan.

Hinuon, bisan tuod og wala kini maposasi, ang 18 ka kilong shabu nga nasakmit dako na nga kalamposan sa gobiyerno sa kampanya niini batok ilegal nga drugas.

Pila ka libo ka kinabuhi sa mga kabataan ang nasalbar gikan sa paggamit niini nga nakaguba na sa katilingban ug sa pagkatawo sa mga tiggamitan niining ilegal nga drugas.

Makapahibulong lang kaayo nga kapin unom ka tuig na ang nakalabay, dili ingon niini kadagko ang masakmit nga shabu sa mga anti-illegal drug operations. Gani dako na kaayo kaniadto ang makuha og tagsa ka gramo o bulto.

Nabantayan nga sukad sa paglusad sa war on drugs sa panahon sa nakalabay nga administrasyon nga unta daghan mang mga druglords ug notadong drug pushers ang napatay o ba kaha nadakpan, kinilo naman hinuon ang mga shabu nga masakmit.

Nakapangutana sab ang publiko nganong naingon man hinuon niini kadaghan ang pirmeng masakmit nga ilegal nga drugas nga angay gani unta magkagamay nalang kay daghan na ang nakalas ug nangadakpang druglords.

Angay sab tingaling ikonsiderar ug maayong lilion ang koneksyon aning kadaghan na karong mga Chinese nationals gikan sa mainland China nga nanagiya na og mga negosyo dinhi sa dihang nakigsuod ang nakalabay nga administrasyon kanila.

Apil sa maayong susihon kun may koneksyon kaning mga operators sa Philippine Overseas Gaming Operation (POGO) nga mga Chinese. May posibilidad nga nagtakuban a ang uban o gisakyan sa mag sindidato ang ilang presensya dinhi.

Kahinumdoman nga kining Chinese online casino sama sa POGO dinhi sa Pilipinas unang nag-operate didto gihimo sa nasud sa Cambodia ug Myanmar, apan gipahunong sila didto ug gipalayas tungod misaka ang krimen  sama sa kidnapping, rape, pagpapatay, extortion apil niini ang paggrabe sa problema nila sa ilegal nga drugas.

Sa mga nanglabay nga operasyon diin kinilo nga shabu sab ang nasakmit, pare-pareho kining giputos og Chinese tea bags nga dili produkto nga gikan dinhi sa Pilipinas.

DRUGS

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with