^

Banat Opinyon

Patay unta to

RENBOR PATROL - Rene U. Borromeo - Banat

Wa ko’y pagduha-duha ug mituo ko sa kamatinud-anon ni Mayor Michael Rama nga nagtinguha nga mapalambo gyud niya ang Cebu City ubos sa iyang pagdumala.

Sa pangedaron ni Mayor Rama, nasabtan nako nga tinguha gyud niya nga makabilin siya og mga handumanan nga ubos sa iyang administrasyon nakahimo siya og kausaban.

Nindot sab kaayo ang iyang administrasyon karon kay alyado sila og si Vice Mayor Raymond Alvin Garcia, ug kadaghanan sa mga konsehal iya usab nga kaalyado.

Sa ato pa, bisan unsa ang gusto niyang himoon, kahatagan gyud og katumanan, kay bisan og duna may oposisyon diha sa City Council, apan “majority” man ang iyang mga alalay.

Apan dili magmalampuson si Mayor Rama sa iyang pagpalambo sa Cebu City kon dunay iyang mga sinaligan nga dili maninguha sa pagpatuman sa iyang mga kamandoan.

Kagahapon, gibatbat ni Mayor Rama ang daghan niyang mga maayong nahimo atol sa unang 100 ka adlaw sa pagdumala niya sa Cebu City isip mayor.

Matud ni Rama nga sensiro gyud siya sa paghawan sa atong kasapaan dinhi sa siyudad, sama sa gihimo niya nga paghawan sa daplin sa Kinalumsan River sa Mambaling.

Ang river clean-up, apil na ang pagbalik sa three-meter easement, gitumong aron nga masulbad ang paglunop sa ubay-ubay’ng mga dapit sa siyudad kon mag-uwan.

Gawas pa niini, gitan-aw usab sa siyudad ang siguridad sa mga nagpuyo daplin sa kasapaan nga mamilegro ang kinabuhi kon matumpag ang ngilit sa sapa panahon nga kusog ang baha.

Nakabantay ko nga dili kaayo paspas ang paghawan ug pagpalawom sa kasapaan dinhi sa siyudad. Abi ninyo og ngano? Gamay ra ang mga kawani nga nadestino sa maong gimbuhaton.

Karon nga gikuha ni Mayor Rama si Roy Cimatu nga gitugyanan niya pagsulbad sa mga “environmentalm concerns” apil na ang problema sa lunop ug baha dinhi sa siyudad, manghinaot kita nga magmalampuson si Cimatu sa iyang tahas.

* * *

Kaniadtong Sabado, usa ka nag-bisekleta diriyot gyud madasmagi og sakyanan duol sa opisina namo sa The Freeman ug Banat News.

Kon nadasmagan pa ang maong nag-bisekleta makaingon gyud ko nga “maayo ra.” Mangutana mo og ngano man?

Ang nag-bisekleta gikan sa Colon Street ug miliko siya sa tuo paingon sa D. Jakosalem Street. Apan pag-abot niya sa eskina V. Gullas atubangan sa The Freeman, miliko bitaw na siya sa wala (left), diriyot gyud siya maigo sa sakyanan nga gikan sa may Cathedral ug nagpaingon sa Colon Street.

Sa ato pa, mikalit siya’g cross sa “lane” sa sakyanan ug misulod sa V. Gullas nga one-way road man ang V. Gullas Street.

Mao kini ang sagad buhaton sa mga nagbisekleta nga dili motuman sa traffic rules. Angay kini nga aksyonan sa mga tinugyanan sa trapiko.

MICHAEL RAMA

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with