^

Banat Opinyon

Di kapugong sa iyang kaugalingon

ARANGKADA - Leo Lastimosa - Banat

Karong nakabalik na sa Malakanyang, si Presidente Ferdinand Marcos Jr. naglisod sa pagpugong sa iyang kaugalingon. Nipasalig siya nga way Pilipino nga gutumon. Pero di kapugong sa iyang kaugalingon sa pagwaldas sa buhis sa katawhan nga iyang gisaaran nga mahaw-as gikan sa kataas sa presyo ug kakuwang sa panginabuhi.

Nipasalig siya nga kab-uton ang pangandoy sa kinabag-an para sa mas malambuon nga nasud. Pero di siyang kapugong sa iyang kaugalingon sa pagtakilid sa nasudnong panudlanan para sa iyang personal nga mga kapritso ug wa kinahanglana nga mga gastohan.

* * *

Mahimo nga gitambagan siya sa niaging weekend sa pagpabilin sa Pilipinas aron (1) pagtutok sa pagpabangon pagbalik sa mga lugar nga nagusbat sa bagyong Karding ug (2) pagpagaan sa palas-unon sa katawhan gikan sa nagpadayon pagsulbong nga presyo sa inadlaw nga mga panginahanglan.

Pero wa siya kapugong sa iyang kaugalingon. Nilarga Sabado sa gabii aron pagtan-aw sa Singapore Grand Prix, lumba sa mga sakyanan nga kabahin sa Formula One World Championship. Didto siya sa ??F1 Paddock Club nga ang tiket balor og dul-an tunga sa milyon ka pesos ($8,000).

* * *

Mahimong gitambagan sa paghimong yano sa iyang pagduaw sa New York para sa United Nations General Assembly, paghigpit sa gidak-on sa iyang delegasyon ug paglaslas sa gasto sa dul-an sa semana niyang kalihokan.

Pero wa kapugong sa iyang kaugalingon. Gitangkil ang mga paryente (asawa, duha ka anak, ig-agaw ug uyoan), nipuyo sa usa sa labing mahalong hotel (The Carlyle nga kapin sa P85,000 ang bayad sa kada kuwarto kada gabii, o P510,000 kada kuwarto sa kinatibuk-an nilang puyo) ug nitan-aw pa gyod sa konsiyerto ni Eric Clapton sa Madison Square Garden (labing menos P10,000 ang kada ulo).

* * *

Mahimong gitambagan sa paglikay sa wa kinahanglanang pamakak. Aron makatingob sa atensiyon pagbalikbalik nga paraiso ang diktadura sa iyang amahan ug kabahin sa pagpanggukod ang mga pasangil sa ilegal nga katigayonan sa ilang pamilya.

Pero wa kapugong sa iyang kaugalingon. Bisan sa nagbuntaog nga mga ebidensiya sa krisis sa asukar–nihit ang suplay ug dobleng presyo–nangangkon pa gyod nga naghimo siya og pagtuon sa industriya sa asukar ug nipasalig nga way kanihit ug wa kinahanglanang importasyon.

* * *

[email protected]

FERDINAND MARCOS JR.

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with