^

Banat Opinyon

Problema sa magtutudlo

LINTUNGANAY - Fred P. Languido - Banat

Dako ang problema nga gisagubang sa ubang mga magtutudlo sa mga pampublikong tunghaan tungod sa epekto sa online classes sa kalidad sa edukasyon.

Labing apektado mao ang mga tinun-an sa grade 3 tungod kay ang ilang mga tinun-an karon pa makasuway og face-to-face nga klase.

Tungod sa pandemiya online classes ra dihang misugod sila sa grade 1 hangtud sa grade 2.

Usa sa mga magtutudlo sa grade 3 dinhi sa dakbayan sa Sugbo mikumpisal nga ang uban niyang tinun-an dili gyud  makamao mobasa.

Ang makapahingawa mao nga sobra sa katunga sa iyang klase di gyud makamao mo basa bisan sa simple nga mga pulong.

Mao nga inay leksiyon alang sa grade 3 ang itudlo sa maestra napugos siya pagbalik sa sinugdanan.

Sa ato pa maawahi sila sa angayang level sa pagtuon. Sumala sa akong higalang maestra mao sab ni ang sitwasyon sa ubang mga pampublikong tunghaan.

Dako ning hagit dili lang sa mga magtutudlo kon dili sa tibuok departamento sa edukasyon unsaon pagtapak sa nangiwit na nga mga tinun-an.

* * *

Subo ang balita nga misugat nako, ug tingali sa hapit tanang sakop sa media sa Sugbo kagahapon, tungod sa pagtaliwan sa usa sa mga sakop sa industriya.

Si Ramil Paican hingpit na nga mi-sign off ug di na dungog sa kahanginan bisan kanus-a.

Usa si Ramil sa una nakong nahimong higala dihang nagsugod ko sa industriya isip reporter sa radyo.

Beterano na siya sa industriya dihang una mi nga nagkahimamat apan lahi sa ubang mga nag-una sa trabaho, wala siyay hangin ug garbo.

Dili siya hakog sa iyang kahibawo ug andam siyang moagak sa mga bag-o sa industriya.

Daghang salamat sa panaghigala, Ramil Paican!

EDUCATION

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with