Adunay pending warrant of arrest

Dear Atty. Divine,

Ang akong ig-agaw gipasanginlan nga nanglugos ug gipasakaan na kini og kaso sa korte ug aduna nay warrant of arrest.

Matud niya nga dili tinuod ang maong pasangil. Sa pagkakaron, nagtagotago siya tungod sa warrant of arrest. Ang akong pangutana kun mo expire ba ang warrant? Unsay angay niya nga buhaton aron iyang maprobahan nga inosente siya? Daghang salamat.

Gabby

* * *

Dear Gabby,

Ang warrant of arrest dili kana mo -expire ug magpabilin kanang valid, busa mamahimo siyang dakpon anytime kun makit-an siya sa mga otoridad. Kun tinuod nga inosente siya then mas maayo nga iya kining probahan sa korte atol sa trial.

Ang maayo niyang buhaton mao ang pag surrender aron makasugod na og dagan ang iyang kaso sa korte. Kun magsugod na ang trial then iyang pamatud-an sa korte nga inosente siya aron siya makagawas sa bilanggoan.

Kun magpabilin siyang magtago-tago di gyud niya maprobahan ang iyang pagka inosente kay ang korte ra man ang maka timbang-timbang sa mga ebidensya nga ipresentar sa matag habig atol sa pag trial sa kaso.

Gawas pa, mosamot sab og kabug-at ang iyang kaso kun dili siya boluntaryong mo-surrender kay makagasto man ang gobiyerno sa pagpangita kaniya. Thank you and God bless.

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.