^

Banat Opinyon

Nganong karon man lang?

JAV BANATI - Javier Yntig Tapulado - Banat

Gamay pa ko, pakuyogon kong anhing Nanay Totang pagpangkomprag tinarong ginamos sa Taboan, Cebu City sa adlawng Lunes.

Niadtong panahona, ang mga sakyanan, ma-pribado o ma-de pasahero gikan sa kalungsoran, adto gyod agi sa Manipis, sanglit maoy kinadul-an ikomparar sa ubang mga agianan.

Kuyaw kaayo ang Manipis. Gamay’g dalan. Igo rang maagia’g duha ka sakyanang magkasugat. Gani, may porsiyon, nga dili gyod masugatan.

Grabe kahabog ang nahimutangan sa karsadang nag-umbaw sa taas kaayong kapangpangan.

Didto sa ubos, ang mga tawong nangawot-kuhag balas, o mga bato nga ikarga sa mga dekarga or dump trucks, morag hulmigas na lamang ang gidak-on.

Mga trabahante sila sa mga magpapatigayon, kinsa nangadato tungod sa ilang quarry nga negosyo. Dinhi atong maanalisar.

Kon sukad pa kaniadto unya hangtod karon, nagpunay gihapon silag kinalutay ug hinakotay sa yuta’g mga bato, unsa na kaha kalapad ug kadako sa kadaot ang ilang nahimo sa atong kalikopan?

Busa, dili ikahibulong! Nganong matag karon ug unya, kastigohon sa land slide ang kabukiran sa Manipis ug ubang dapit nga hagbay rang gihimong gatasan sa quarry businessmen.

Panahon sa masubsob ulan, modahili ang mga dagkong bato, mobaha lakip na mga siyudad ug mangatumpag ang mga pangpang nunot sa pagkaanod sa mga kabalayan nga anaa magtungkawo daplin sa kasapaan.

Ug mosamot pa ang kapintas nga atong mahiagoman gikan sa gisakitan nang kinaiyahan kon magpadayon ang atong pagpanamastamas kaniya.

Gumikan niini, si Cebu City Mayor Mike Rama sa iyang pakighinabi sa The Freeman/Banat News, miingon: “Once and for all, hunonga ang tanang illegal quarrying. Stop gyod…stop!”

Sa pamahayag sa mayor, klaro nga dugay na siyang nasayod nga adunay illegal quarrying. Apan makapahibulong?

Nga sa daghan nang katuigan sa iyang pagpangalagad isip bise-mayor ug pagka mayor, imbes masumpo, nagpadayon gihapon kini?

Tungod ba sa dili mamatayng kagaw sa makanunayong pagpamolitika? Diin ang mga suod, dili madutlan sa ngipon sa balaod?

Hinuon, seryoso si Mayor Mike ning iyang pagpahunong na sa tanang illegal quarrying business. Kabahin kini sa tumong sa uniteam nga pagpamunoan ni Pres. Bongbong Marcos, kinsa gustong ipadaplin sa tanang public servant ang pagpamolitika ug maoy ilang ihatag sa katawhan ang patas-makalipayng pagpangalagad.

Pastilan, nganong karon man lang?

WEDDING

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with