^

Banat Opinyon

Katekesis No.7

MGA LAMAS SA KINABUHI - Fr. Rey Cui - Banat

NOVEMBER 02: Ang Adlaw sa mga Minatay

Pasiuna

“Buhi kita kun patay sa Ginoo kita” (cf. Rom. 14;28)

Kasaysayan

Ang Adlaw sa mga Minatay (Todos Los Defuntos)

Niadtong ikanapulo nga siglo usa ka pari nga Katoliko nga si San Odilo sa Cluny ang nipasiugda ning maong tradisyon diin ang banay naghugpong alang sa pag-ampo sa mga sakop sa pamilya nga nitaliwan na ngadto sa laing kalibotan. Sa kadugayan nahimong gisaulog kini ingon nga katapusang adlaw sa hallowtide nga sa ato pa human sa hallow’s eve (October 31) ug All Saints Day kun Todos Los Santos (November 1).

Nagkadaiya ang pagsaulog nato sa adlaw sa mga nangamatay. Gani, matag nasud dunay kaugalingong paagi sa pagsaulog niini. Kasagaran anaa gyud ang paghalad og mga makaon labina kadtong giisip nga mga paboritong pagkaon sa mga nangamatay. Apan alang kanatong mga Kristiyanos Katoliko atong gihimo ang pag-ampo, pamisa ug sama sa uban moduaw pud kita sa mga sam-ang.

Ang pagtulon-an sa simbahang katoliko mahitungod sa kamatayon

1. Sa kamatayon ang atong lawas madugta apan ang atong kalag mopanaw ug sa Dios makig-atubang.

2. Ang kamatayon dili katapusan hinunoa sinugdanan alang sa kinabuhing sa dayon.

3. Mao kini ang paghikatulog nato diha sa Ginoo (cf. 1 Tes. 4;14).

4. Ang patay nga lawas sa atong mga mahal sa kinabuhi kinahanglang atong hatagan og igong pagtahud, ug gugma inubanan sa pagtuo ug paglaum nga ang mga patay pagabanhawon. (CCC 2300).

Ang Tradisyon nagtudlo Kanato:

1. Nga ang mga kalag sa purgatoryo nagkinahanglan sa atong mga pag-ampo. Busa ang pagpamisa kanila atong pagahimoon labina sa mga mahinungdanong adlaw sa ilang kinabuhi kuyog kanato. (birthday, death anniversary).

2. Ang pagduaw sa ilang mga lubong ug paghalad og pipila ka mga pulong sa pag-ampo nagpadayag man sa atong paghigugma kanila.

3. Ang pagduaw sa ilang lubnganan nagpadayag usab sa atong pagpangandam sa atong kamatayon pohon.

4. Ang atong Ginoo, Ginoo sa mga Buhi ug dili sa mga patay mao kini ang atong sukaranan nga kita ang pagabanhawon usab.

CATHOLIC

Philstar
  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with