^

Banat Opinyon

Disiplina sa kaugalingon ug pagkamakanunay

LINTUNGANAY - Fred P. Languido - Banat

Isip kabahin sa ambisyosong tinguha ni Mayor Michael Rama nga mahimong sama sa Singapore ang siyudad sa Sugbo, ilusad sa kagamhanan sa dakbayan ang "Oplan Disiplina" sugod karong Oktubre 1.

Pinaagi sa "Oplan Disiplina" gipaabot ang hugot nga pagpatuman sa tanang ordinansa sa dakbayan.

Magtinabangay ang kapolisan, mga tinugyanan sa City Hall ug ang kabarangayan sa pagpatuman sa mga ordinansa nga maglakip sa curfew sa mga minor de edad.

Hinaot molampos ang mayor sa iyang tinguha tungod kay nasayod ang tanan nga mas sayon ning isulti kay sa buhaton.

Dili malukop  sa mga tinugyanan sa kapolisan, City Hall ug barangay ang pagbantay sa tanang su-ok sa syudad busa gikinahanglan ang kooperasyon sa tanan niini.

Aron makab-ot ang damgo sa mayor hugot gyud nga disiplina sa matag-usa ang gikinahanglan. Diha sa tagsa-tagsa ka kaugalingon kinahanglan magsugod ang kausaban aron magmalampuson ang maong pangandoy.

Apan ang pangutana andam ba ang tanang lumolopyo sa sa syudad pag-usab sa ilang mga naandan?

Kadtong mga naanad pagpataka og labay sa ilang basura andam na ba nga mag-usab ug mohangop sa disiplina?

Gawas sa personal nga disiplina sa katawhan importante sab nga makanunayon ang mga tinugyanan sa balaod ug ang kagamhanan sa dakbayan pagpatuman sa mga lagda.

Ang consistency sa pagpatuman sa mga lagda aron maanad ang publiko hangtud nga inanay nga motuhop diha sa tagsa-tagsa ang disiplina sa kaugalingon.

Hangtud nga way consistency ang mga tigpatuman sa lagda ug way disiplina sa kaugalingon ang katawhan lisud ang pagkab-ot sa damgo sa mayor.

Ug disiplina ang hisgutan angayang sila nga mga opisyal sa dakbayan maoy magsilbi nga ehemplo.

Pananglitan ang simple nga pagtuman sa balaod sa paggamit ug blinker ug wangwang.

Dunay mga opisyal sa dakbayan nga akong nabantayan nga migamit og wangwang ug blinker sa ilang sakyanan bisan dili sila awtorisado. Kun ang mga opisyal mismo way disiplina ug dili kamao mosunod sa lagda kawang ang tanang mga paningkamot alang sa kausaban.

 

MICHAEL RAMA

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with