^

Banat Opinyon

EDITORYAL - Leksyon ni Karding

Banat
EDITORYAL - Leksyon ni Karding

Lima ka mga rescuers sa Bulacan ang nangamatay atol sa pagkusokuso sa Super Typhoon Karding didto sa Central Luzon niadtong Domingo sa gabii. Nahitabo kini atol sa forced evacuation sa mga molupyo daplin sa sapa sa Pampanga River.

Ang nahitabo sa lima kapunitan unta og pagtulon-an sa mga padayong nagmagahi pagpuyo kilid sa mga sapa. Ang mga sapa, katunggan ug kadagatan gipanagiya sa gobiyerno ug dili kini mahimong mapatitulohan mao nga wala gyud untay mga nanimuyo niini ilabi na kay kini peligroso nga lugar.

Apil sa gipanagiya sa gobiyerno mao ang tulo ka metros nga mala kilid sa mga sapa o gitawag nga 3-meter easement zones nga bawal puy-an ni bisan kinsa.

Sumala pa sa mga report, kadtong mga tawong gisuwayan og salbar sa lima nga nangamatay daan na silang gipasidan-an kaniadto pa nga papahawaon sa lugar kay peligro kaayo kun mosuyla ang tubig panahon sa pagbunok sa uwan.

Ug niadto palang adlaw nga Sabado usa ka adlaw sa wala pa motugpa ang bagyong Karding subli silang gimandoan sa paghiklin sa mas luwas nga lugar apan gikatahong nakasulod nalang ang bagyo wala gihapon sila mipatuo.

Dihang misuyla na ang tubig sa maong sapa ayha pa sila nanangpit sa gobiyerno nga magpatabang. Apan nasakripisyo ang kinabuhi sa mga rescuers nga mao ra sab ang kaniadto nagsige og pahinumdom kanila sa pagpamahawa sa ilang gipuy-an kay peligro.

Dinhi sa Cebu City gipangusgan sa siyudad ang clearing operations sa pito ka dagkong mga sapa niini tungod sa peligro ug aron sab malimpyohan gikan sa mga basura ang kasapaan nga pirmeng moawas ug magbaha pirme ang siyudad           .

Dunay leksyon nga madawdaw gikan sa maong hitabo, nga kanang mga daplin sa sapa dili gyud luwas puy-an.

Walay makatagna kun kanus-a mokalit og suyla o awas ang tubig niini ilabi na kun kusog ang pagbunok sa uwan sa kabukiran diin sagad nagagikan ang tubig paubos.

Mahimong kinabuhi sa mga nagpuyo sa lugar o ba kaha kinabuhi sa lain pang mga rescuers unya ang mausik kung dili sila mopatuo sa pagmaymay kanila sa mga lokal nga opisyal.

TYPHOON

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with