Usa sa most expensive ug high cost of living kuno kita dinhi sa Cebu City

Headline kini sa niaging pila ka semana sa The Freeman. Wa ko makatuo, tungod kay sa mga tulo ka tuig nakong puyo sa Cagayan de Oro City, after my graduation from Xavier University, miuli ko nganhi sa Sugbo, ug maoy akong namatikdan nga mas barato ang atong mga palitunon dinhi kay sa Cagayan de Oro. Mao ba kaha usab kini hangtud karon? 

Anyway, ang headline nagkanayon: “Cebu City one of Asia’s most expensive, high cost of living.” Di ka makugang ana?

Ato kining gihisgutan dinhi, bisa’g dugay-dugay na kadtong maong headline, tungod kay nahinumdom ko sa among bisita kanhi, usa ka langyaw’ng exporter, nga sa iyang paghisgot nga ang ilang family corporation naglaraw pag-meeting sa Thailand.

Nganong Thailand man, nganong di man Pilipinas, o Cebu City in particular?

Iyang tubag: “It’s cheaper there.” Meaning, alang sa mga foreigners, mahal kita dinhi sa Pilipinas, and probably dinhi sa Cebu City. Matud pa dinhi, “if you live in Cebu City, you must have enough resources to afford the high cost of living.”

Unsa man ning cost of living?  Ania: “Cost of living, as defined by Investopedia, is the amount of money needed to cover basic expenses such as housing, food, taxes, and healthcare in a certain place and time period.”

So, sa tinamban nga pagsabot, pila ang imong magasto o gastuon aron mabuhi ka. Dugang pa, giingon dinhi nga ang cost of living “is often used to compare how expensive it is to live in one city to another.” Kamong mga laagan kaayo, suwayi og tandi ang cost of living sa mga dagkung dakbayan nga inyong giduaw o duawon, against sa atong dakbayan.

Ug ania, ang cost of living index sa Cebu City, as of July 2022 was 34.75, misunod kita sa Hanoi, capital sa Vietnam, uban sa ilang cost of living index nga 34.78. 

So, dinhi sa atong dakbayan, basi sa maong index, ang usa ka family of four, gi-estimate nga mogasto, at least P96,959 matag buwan, walay labut ang abangan. What kon lima, o walo ang imong anak? “For a single person without rent, the estimated monthly cost is at P27,530.” 

Hinuon, matud dinhi, “Cebu is 4.54% less expensive than Manila (without rent). Rent in Cebu is, on average, is 37.22% lower than in Manila.” Nahibawo na ta niini. 

Ang ilang mga cost of living index: Makati, 45.34; Quezon City, 40.00, Manila, 36.66. Itandi sa ato dinhi nga 34.75. Bida, ang cost of living index, sa Beirut, ang capital ug labing daku nga dakbayan sa Lebanon, is 95.65. Di lang ta mangadto’s Beirut uy! 

Unsa man ning ‘Numbeo’? “It is a Serbian crowd-sourced global database of perceived consumer prices, crime rates, quality of health care, among other statistics.”

Apan, aniay warning: “Experts have cautioned the public against taking Numbeo’s figures at face value. Ayaw’g tuo dayon.

“They pointed out that the numbers are not based on “official and confirmed statistics” and were generated through user-contributed surveys and insights, therefore, vulnerable to “statistical misuse, misrepresentation, and inaccuracies.”