^

Banat Opinyon

EDITORYAL - Shared lanes maayo

Banat
EDITORYAL - Shared lanes maayo

Praktikal ug makiangayon lang sa tanang motorista ang planong pagimplimentar og ‘road sharing’ o ‘shared lanes’ alang sa mga motorsiklo ug bisekleta sa  pipila ka bahin sa dakbayan sa Sugbu.

Kay una sa tanan, mas daghan ang nagmotorsiklo kun itandi sa mga nagbisekleta. Samtang tinuod nga ang duha parehong peligroso sa aksidente kun itandi sa mga sakyanan ug trak, apan ang bisekleta lamang maoy gihatagan og ekslusibong agianan.

Dili sab husto ug makiangayon para sa mga motorista nga ang gamay kaayong karsada pahakan og lane para lamang sa mga bisekleta, unya gamay ra ang gagamit niini.

Mao ni ang makapalibog sa ubang mga dapit, dunay mga bike lanes apan duna say mga awhag gikan sa mga lokal nga otoridad sa trapiko ang ‘road sharing’ ug may mga traffic signs pa nga nag-ingong ‘share the road.’

Dinhi sa Sugbu nga mas daghan ang gagmay nga mga karsada itandi sa mga lagpad ug dagkong mga dalan maayo kining nahunahunaan sa Cebu City Transportation Office nga suwayan kining lane sharing tali sa mga motorsiklo ug sa bisekleta.

Sa pagkakaron, plano kining ipatuman diha sa Cebu South Coastal Road ug N. Bacalso Ave. paingon sa Imus Road isip pilot areas.

Gituyo kinit ungod kay kining mga dalana nagkonektar sa Cebu City padung sa mga silingang siyudad sa Talisay City sa habagatan ug Mandaue City sa amihanan.

Nakasabot ang tanan nga dili tanang tawo makapalit og sakyanan o motorsiklo ug daghan sab sa mga nanarbaho karon ang nigamit og bisekleta alang sa ilang sakyanan padung ug pauli sa trabahoan ug panimalay.

Apan angay sab sabton nga ang motorsiklo sama gihapon sa bisekleta nga nagkinahanglan sab og kaugalingong lane aron luwas kining makaadto sa ilang mga destinasyon sama sab sa mga bikers.

Kun walay nigamit sa bike lanes unya nagdasok ug nakigsuot-suot ang motorsiklo sa mga dagkong sakyanan, dili ba kataw-anan tan-awon?

Pinaagi aning shared lanes, mas luwas ang motorsiklo ug bisekleta. Kay una sa tanan, ang magbisekleta makondisyon na ang hunahuna nga dili na kini ekslusibong lane para lang kanila busa magmatngon na sab sila sa pagbisekleta ug sa samang higayon mao sab ang hunahuna unya sa mga magmotorsiklo.

DAKBAYAN

Philstar
  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with