^

Banat Opinyon

Disiplina

SAKSAK SINAGOL - Lucky P. Malicay - Banat

Nagkaseryoso ug dili na gayud mapugngan si Mayor Michael Rama niining dakbayan sa Sugbo sa iyang dakong misyon paghimo sa siyudad nga susama sa adunahan ug limpiyo nga Singapore ilalum sa iyang administrasyon.

Niining bag-o pa lamang, gikuha ni Rama si kanhi senador Franklin Drilon ug kanhi DPWH secretary Rogelio Singson isip kabahin sa komitiba nga maoy magdumala sa mga programa ug plano alang sa Singapore-like vision sa lokal nga kagamhanan.

Nauna na nang gi-hire ni Rama si kanhi environment secretary Roy Cimatu isip mangulo sa kampanya alang sa kalimpiyo sa siyudad. Gan, kamulo na nga nangunay si Cimatu sa mga clearing operations, ilabina sa mga kasapaan sa dakbayan alang sa pagpatuman sa three-meter easement rule.

Hinuon wala koy nakita nga sayop sa lakang ni Rama sa iyang ambisyon nga mamahimong susama sa estado sa Singapore ang siyudad sa umaabot nga katuigan. Gani, maayo ang pag-arangkada sa mga programa karon alang sa katumanan sa maong plano.

Apan adunay usa ka isyu nga maoy angay unta nga hatagan og unang prayoridad sa kagamhanang lokal ning dakbayan kon gusto gayud kini nga matuman ang dakong plano niini. Ug kini mao ang subsob nga pagpatuman sa disiplina sa mga lumulupyo sa siyudad.

Ang disiplina anaa magsugod sa simple lamang nga mga butang. Kini sama sa paghipos og insakto sa mga basura sa balay o sa mga  pangpublikong lugar. Ug kini sama usab sa simple nga pagsunod sa lagda sa trapiko, pedestrian ka man o motorista.

Kining maong klase sa disiplina maoy angay nga unahon nato pagbaton kon gusto gayud kita og pag-asenso sa dakbayan. Kay kon dili kita disiplinado mismo sa gagmay nga mga butang, dili gayud kita makakat-on og  disiplina sa dagkong mga butang.

Hinuon dili ikalimod nga daghang molupyo sa dakbayan sa Sugbo ang kulang gayud sa disiplina, kinsa patuyang lamang og labay sa basura ug walay habas sa paglapas sa traffic rules. Ug kini sila maoy angay unahon pagpitol sa atong kagamhanan.

MICHAEL RAMA

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with