^

Banat Opinyon

Katekesis No. 4

MGA LAMAS SA KINABUHI - Fr. Rey Cui - Banat

Mga misteryo sa santos nga rosaryo

Tumong: Aron masayran ang upat ka mga Misteryo sa Santos nga Rosaryo

Pasiunang Pag-Ampo

PAGPALAWOM

Ang kinabuhi dunay mga yugto. Matag yugto dunay kahulogan. Ning paagiha ang atong Ginoong Jesus ingon nga Dios ug tawong matuod ang nahiagi usab niining maong proseso. Ang Santos nga Rosaryo dili lang pag-ampo sa mga Maghimaya ka Maria kondili pagpamalandong usab sa mga mahinungdanong hitabo sa kinabuhi sa atong Ginoo. Gikan sa iyang pagkabata, sa iyang ministerial nga pagpangalagad, sa iyang mga pag-antos ug sa iyang pagbuntog sa kamatayon sa paagi nga mahimayaon. Sa laktod atong gipamalandongan ang kinabuhi mismo sa atong Ginoong Jesukristo kuyog ni Maria atong Inahan atong gisubay ang atong dalan diha sa pagtuo. Uban ni Maria naglakat kita ug gisud-ong ang matag anib kun pahina sa kinabuhi sa atong Ginoong Jesus.

Ang kinabuhi sa atong Ginoo nabahin ning mosunod nga mga Misteryo sa Santos nga Rosaryo.

I. Misteryo sa kalipay

A.  Ang pagpahibalo ni Arkanghel Gabriel kang Maria

B.  Ang pagduaw Ngadto kang Santa Isabel

C.  Ang pagkatawo sa atong Manunubos

D.  Ang Paghalad sa Diosnong Bata ngadto sa Templo

E.  Ang pagkawala ug Pagkakaplag sa Diosnong Bata uban sa mga Makinaadmanon

II.  Misteryo sa kasakit

A.  Ang pag-ampo didto sa tanaman sa Getsemane

B.  Ang paggaid ug paghampak sa Ginoo didto sa Haliging Bato.

C.  Pagpurong-Purong sa mga maidlot nga tunok.

D.  Ang pagpas-an sa Krus padulong sa Kalbaryo.

E.  Paglansang ug Pagkamatay sa atong Ginoo didto sa Krus.

III. Misteryo sa kahayag

A.  Pagbunyag sa atong Ginoo.

B.  Milagro didto sa Kasal didto sa Cana

C.  Pagsangyaw sa Paghari sa Dios ug ang tawag sa pagbag-o.

D.  Mahimayaong Pagkausab sa Panagway sa atong Ginoo.

E.  Pagtukod sa Sagrada Eyukaristiya ug ang Santos nga Orden sa Pagkapari

IV.  Misteryo sa himaya

A.  Pagkabanhaw sa atong Ginoo

B.  Pagsaka sa Ginoo ngadto sa langit.

C.  Pagkunsad sa Espiritu Santo ngadto kang Maria ug sa mga Apostoles.

D.  Mahimayaong Pagpasaka sa Langit sa Mahal nga  Birhen Maria

E.  Pagpurong purong kang Maria ingon nga Rayna sa tanang mga Binuhat.

Atong Pamalandongan kining Mosunod nga awit nga gitagik ni Monsenyor Rudy Villanueva nga nagkanayon:

Ang Imong Rosaryo

Ang Imong Rosaryo minahal nga Inahan taming nga manalipod batok sa kadautan. Ang imong kahangawa alang sa kaluwasan. Kanamong mga anak ning kalibutan.

Ave Ave Ave Maria, Ave Ave Ave Maria

ROSARY

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with