^

Banat Opinyon

Unsay gisaligan sa Eversley?

LABTIK - Alan Domingo - Banat

Gihatagan og katin-awan ni Cebu Governor Gwen Garcia ang issue mahitungod sa Everseley Child Sanitarium ug uban pa nga okupante sa 25 ka ektarya sa Barangay Jagobiao dakbayan sa Mandaue.

Gipakita sa gobernador uban sa duha ka mga abogado ang mga dokumento nga nagmatuod sa claim sa Kapitolyo nga ang provincial government ang nanag-iya sa naasoy’ng luna.

Kini mao ang deed of donation nga gipirmahan ni anhing Bishop Juan Gorordo sa Archdiocese of Cebu ug adunay acceptance sa lalawigan sa Sugbo ubos ni anhing Governor  Mariano Jesus Cuenco.

Simple ra gyud kaayo ang gusto mahitabo sa gobernador nga ilhon sa mga occupants nga ang probinsya ang tag-iya sa luna. Apan nagmagahi ang mga tagdumala sa Eversley, DOH Rehab Center, FDA, ug ang Barangay Jagobiao.

Busa napugos sa pagluwat og kamandoan ang gobernador nga pabakantihan ang luna gikan sa mga nag-okupar niini nga sa sinugdanan nakamugna og kontrobersiya hangtud na sa pagsaway sa mga opisyal sa Kapitolyo nga wala magtan-aw sa mga kabus nga makadangop sa tambalanan.

Apan matud sa gubernador nga dili mahitabo nga wagtangon ang hospital kay nakatabang kini og dako sa mga tawo, inay posibleng ikiha ang mga nagdumala kay nagtukod og building gamit ang pundo sa gobiyerno ug nag-operate nga wala makig-alayon sa kapitolyo.

Gibarogan sa gobernador ang ownership sa lalawigan kay trabaho niya kini niya ug kong mapakyas siya mahimo siyang mag atubang og dereliction of duty.

Sa wala pa mobuto ang issue sa ownership gipatawag na diay ang mga okupante aron mapasayon ang pamaagi sa pag-estar nila sa luna pinaagi sa usufruct agreement nga renewable sa 25 ka tuig.

Tinguha sa Kapitolyo nga ma-legitimize ang pag-okupar sa Everseley ug ubang okupante apan wala kini matigayon kay nagmagahi ang pikas kampo busa napugos paglihok ang Kapitolyo.

Basin duna puy gihuptan nga dokumento ang mga okupante puwede usab nila ipakita aron ma-counter nila ang claim sa Kapitolyo. Mao usab kini ang hagit mismo sa gobernador kanila.

Kong wala man gani, mas maayo seguro magpaubos nalang, inay magmagahi ug ipatigbabaw ang garbo makig-alayon sila sa Kapitolyo aron mamahimong legal ang ilang pag-estar sa luna.

Pareha sa gihimo sa National Housing Authority nga nakig-alayon sa Kapitolyo, tabangan pa sila pagpasayon sa paghatag og titulo sa mga tawo nga nagpuyo nga nahisakop sa luna.

Kong kompleto ang Everseley sa dokumento pagsukol sa claim sa Kapitolyo ayaw mo pag-surrender hangtud maprobar ninyo nga kamo ang tag-iya. Apan kong wala mas maayo seguro nga tunlon ang garbo aron dili mapagan ang serbisyo sa mga tawo.

GWEN GARCIA

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with