^

Banat Opinyon

Martial law kontra komunismo

JAV BANATI - Javier Yntig Tapulado - Banat

Fourth year high school na ko pagdeklarar ni kanhi Presidente Ferdinand Edralin Marcos (FEM) sa martial law niadtong Septiyembre 21, 1972. Sa klasrom gipasabot kami pag-ayo sa among mga magtutudlo nganong gideklarar kini sa atong pangulo?

Nila pa, tungod sa sigeng gubat sa Mindanao: Muslim batok Kristiyanos, ug sa presensiya sa bag-ong natukod nga grupo sa Communist Party of the Philippines (CPP), napugos pagedklarar si FEM og martial law sa tibuok nasud alang sa seguridad sa katawhan.

Giklaro sa among teachers. Dili kami angay mahadlok. Ang importante, mosunod lang gayod sa balaod ubos sa martial law. Kay kon motuman lang kanunay, magpabiling luwas among kahimtang.

Tinuoray, niadtong martial law, nahanaw ang freedom of press, speech and expression. Sanglit, ang mosultig dili pabor sa gobiyerno, dakpon. Apan sala ba sa presidente kon dakpon ang dili morepeto sa iyang kamandoan?

Angay hinumdoman. Nga nakiggubat siya batok sa CPP. Gusto niya kining pulboson nga walay inosenteng makalas. Busa, mi-order sa tanang katawhan nga dili mosultig daotan batok sa kagamhanan kay ang magbuhat niini, isipon nga rebelde ug sakop sa CPP.

Ug sala ba diay ni FEM, kon dakpon kadtong mga misupak sa iyang order? Ang iyang gibuhat sama ra baya:  Nga sa usa ka dapit, diin gilubgan sa mga dautang elemento, iyang gihangyo-mandaran ang mga tarong nga mogawas-palayo aron dili mapagan sa bombang giandam nga alang ra sa mga daotan.

Busa, sala ba niya kon mapiksan kadtong wala maminaw kay maoy gipalabi ang mahugtanong paggakos sa CPP?

Ang martial law gidesayin para pang-alkontra sa mga rebeldeng CPP ug ubang teroristang grupo nga nagdalag dakong hulga sa seguridad sa katawhan. Ang presidente, kinsa otomatik mahimong diktador niining balaora, dili magpanuko paggamit sa kinatibuk-ang puwersa sa iyang kasundalohan ug kapolisan, aron lamang kapanalipdan atong nasod batok sa mga malimbongong kamot sa komunismo.

Ug mabasol ba si FEM sa iyang gibuhat? Hinumdomi! Nga tungod sa iyang martial law, wala makaugpo ang komunismo ni Joma Sison. Gani, iya pa kining gipapriso. Di ba, dapat, ilhon pang bayani si FEM? Hinuon, ako ra kining opiniyon. Kon nasukwahi sa imoha, irespeto ko kini. Walay opiniyong sayop. Lamang, adunay nindot. Anaa poy maot!

MARTIAL LAW

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with