^

Banat Opinyon

Gidili ang chicharon

AMBOT LANG - Gerry Auxilio - Banat

Nasayangan sa ilang pinalit nga chicharron sa siyudad  sa Carcar ang magtiayon nga senior citizen nga taga dakbayan sa Kidapawan human wala gitugot sa mga kawani sa Mactan Cebu International Airport nga kini madala sa ilang pagsakay.

Ang magtiayon miabot dinhi sa Sugbo kay nanagkot sa Simala sa lungsod sa Sibonga ug sa ilang pagpauli mihapit sila sa dakbayan sa Carcar kay mipalit og chicharon aron ilang ipasalubong sa ilang mga apo sa ilang pagpamauli sa dakbayan sa Kidapawan.

Aron dili masayang, mihangyo sila sa kawani sa tugpahanan nga ila lang nga ipakuha sa ilang higala ang chicharon apan gibalibaran gihapon sila kay wala'y kabotangan niini. Sa laktod, nabilin gyud ang chicharon sa airport. Asa kaha tawon gibutang ang chicharon.

Dili diay puwede nga masakay sa Mactan Cebu International Airport ang pork chicharon?

Kaniadtong buwan sa Hulyo ang local nga kagamhanan sa lalawigan sa Sugbo mipagawas og usa ka kamandoang pang ehekutibo nga nagdili sa pagsulod sa mga buhi nga baboy ug karneng baboy ingon man mga produktong gikan sa baboy nga gikan sa mga dapit sa Luzon, Mindanao ug Eastern Visayas nga apektado sa African Swine Fever (ASF). Kabahin kini sa hugot nga pagbantay sa lalawigan sa Sugbo batok sa ASF nga nakaapekto sa 50 ka mga lalawigan sa nasud.

Si Gobernadora Gwendolyn Garcia naniguro nga dili maapektohan sa ASF ang P11 bilyones nga hog industry sa lalawigan sa Sugbo. Ang Sugbo giila nga usa sa pinakadako nga tighimo og mga produkto nga gikan sa baboy.

Ang kamandoang pang ehekutibo nga gipagawas sa gobernadora nagdili lamang sa pagpasulod sa mga buhing baboy, karneng baboy ug mga produktong gikan sa baboy. Wala kini magdili sa pagpagawas sa buhing baboy, karneng baboy ug mga produkto nga gikan sa baboy sama sa chicharon. Apan nganong gidili man sa Mactan Airport ang chicharon nga pagawas sa Sugbo?  Dili ba Wala may kaso sa ASF ang Sugbo?

SENIOR CITIZEN

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with