^

Banat Opinyon

Laing suliran

AMBOT LANG - Gerry Auxilio - Banat

Napulo pa lamang sa usa ka libo ka mga kaso nga naglambigit sa gidili nga drugas ang nahukman sa hukmanan diin usa niining maong mga kaso nahukmang sad-an ang mga akusado.

Anaa lamang sa 0.88 porsiyento o wala makaabot og usa ka porsiyento ang conviction rate sa kapolisan kun ibasi sa mga kaso nga ilang gipasaka.

Mao kini ang gibulgar ni M/General Benjamin Santo Jr. sa kapolisan sa gipahigayon nga tigom sa House Committee on Dangerous Drugs.

Gibasol ni Heneral Santo ang ka ubos sa conviction rate ngadto sa sistema sa hustisya sa nasud. Usa sa mga hinungdan kun nganong ubos ang gidaghanon sa mga napahamtangan na og siliot tungod sa ilang pagkalambigit sa gidili nga drugas mao ang chain of custody sa mga ebidensiya nga makuha gikan sa mga dinakpan.

Isip tubag sa suliran, naglaraw ang kapolisan sa pagpaubos sa makuti nga pagbansay sa 16,000 niini ka mga imbestigador aron ilang mapalig-on ug mabantayan pag-ayo ang mga ebidensiya sa mga kaso sa gidili nga drugas nga ilang mahuptan.

Si Leyte 4th district Congressman Richard Gomez misugyot nga ihumol sa cyanide ang illegal nga drugas nga masakmit sa kapolisan aron dili kini makawat tungod kay dili layo ang posibilidad nga makawatan ang illegal nga drugas nga nasakmit sa dili pa kini moabot sa pasilidad o butanganan niini.

Ang chain of custody nagpasabot kini sa dokumento nga nagmugna sa talaan sa pagkontrol, pagbalhin ug pagpagawas sa ebidensiya sa kasong criminal.

Ang chain of custody mao kini ang pinakamahinungdanon nga proseso sa pagdokumento sa mga ebidensiya nga nahipos. Gikinahanglan kini nga sundon aron ang hukmanan mahatagan og kaseguroan nga ang ebidensiya nga gipresentar tinuod ug mao gayod ang ebidensiya nga nakuha gikan sa nahitaboan sa krimin ug anaa ra kini sa tanang panahon sa mga kamot sa tawo nga gitahasan sa pagkupot ug wala gayod kini mawagtang kaniya.

Dili lang bansayon ang mga polis kun dili pahimangnoan usab nga dili manglaktod sa paghipos sa ebidensiya kay mao kini ang rason nganong daghang nakalingkawas sa kaso sa gidili nga drugas.

DRUGS

Philstar
  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with