^

Banat Opinyon

EDITORYAL - Anti-Lane Splitting bill, anti-poor kaayo

Ian B. Melecio - Banat
EDITORYAL - Anti-Lane Splitting bill, anti-poor kaayo

Duna na say balaudnon nga giduso ngadto sa Kongreso nga maghimong traffic violation ang gitawag nila og lane splitting o ang paglusot tungatunga sa duha ka mga sakyanan sa isi’g ka kilid.

Ang kongresista sa Pangasinan nga si Ramon Guico Jr. miingon nga ang lane splitting nagpasabot nga sa usa ka lane usa ra ang mookupar, bisan motorsiklo pa.

Ang mga motorsiklo, scooter, o traysikol dili mahimong magsikit sa lane kay makonsiderar na kining lane splitting ug mahimong pamultahon sa unang offense og P1,500 ug higpit nga pagkakanselar sa lisensiya kun makadaghan na buhaton.

Natural mikisikisi gyud ang mga nanag-iya og mga motorsiklo, mga nagtrabaho gamit ang motorsiklo.

Ang motorsiklo mas barato ug menus og gastos ug dili kinahanglan og lapad nga parking space sa balay, itandi sa mga sakyanan, ug mas paspas kini pagadto sa mga destinasyon. Sagad sa namalit niini ug nigamit niini aron buhion ang pamilya mga kabus nga dili maka-afford og ‘four-wheels’ sama sa mga Grab riders, food riders, mensahero, motor taxis ug uban pa.

Mao bitaw daghan ang mogamit o manakay og motor taxi tungod kay mas paspas ang transportasyon kay dali rang makalusot kun grabe ang traffic.

Usa pa, silotan ba pud ang mga nagsakyanan kun silay mosikit sa lane sa mga nagmotor? Kun ang lane bisan masudlan og tulo o upat ka motorsiklo magtupad kun luwas ang pagpadagan, unsa may dautan ana?

Wala tingali tan-awa aning maong kongresista ang sitwasyon sa mga kadalanan sa nasud, piot na kaayo ug mugbo tungod sa kadaghan sa mga sakyanan ug dili tungod sa motorsiklo. Unya maayo man ning nagsakay og four-wheels kay duna may atop ug air-conditioned pa, unya ang mga magmotorsiklo?

Kung kini papasaron diha sa Kongreso, tabla ra og gihikawan sa gobiyerno ang mga kabus nga manginabuhi og tarong kutob sa ilang makaya gamit ang mga motorsiklo ug gipun-an lang hinuon ang problema sa traffic.

Nganong dili nalang kaha balaudnon nga himuong national policy sa nasud nga tanang mga karsada sa tibuok nasud kinahanglang 4-lanes ang kinagamyan aron momenus gyud ang problema sa traffic, dili ba mas daghan mabulahan?

Duna bay mabulahan anang anti-lane splitting?

KONGRESO

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with