^

Banat Opinyon

Untouchable ba sa roadside parking violation ang mga subdivision?

LABTIK - Alan P. Domingo - Banat

Dili lang sa mga public places ang problema sa roadside parking apil na sa mga gated community o kining mga subdivision labi na sa mga socialized housing nga maisip nga pribadong dapit maong nagsalig usab ang mga gahi'g ulo nga mga homeowners sa pagparking sa kilid sa karsada inay sa gihatag nga parking area.

Sama nalang sa socialized housing diha sa Barangay Calawisan dakbayan sa dakbayan sa Lapu-Lapu diin usa ako sa naka-experience nga dili makaagi kay naay mga nagparking sa daplin sa karsada sa subdivision, overnight parking pa, usahay naay double parking.

Bisan ka pila na badlonga sa mga opisyal sa community dili man gyud mopatoo, masuko pa kong pirme sitahon. Siguro nagsalig kay nagtuo sila nga dili makapanghilabot ang gobiyerno kay naa man sa sulod sa pribadong luna ang mga pinuy-anan.

Ang pangutana karon dili ba gyud makapanginlabot ang lokal nga kagamhanan sa ingon niini nga sitwasyon? Delikado kaayo ang sangpotanan sa roadside parking tungod kay simbako lang adunay emergency mahitabo, mababoy ang mga homeowners ug dili usab makasulod ang mga disaster responders.

Dako kini nga isyu nga kinahanglan tutokan sa kagamhanan. Una kong dunay dautang mahitabo ang gobiyerno maoy tawagon ug sagad basolon nga walay nahimo. In fairness sa LGU abtik man sila moresponde apan dunay babag sa mga gated community kay lagi feelingon kaayo ang ubang mga residente nga nagtuo nga untouchable.

Sa dakbayan sa Lapu-Lapu wala pa ma-realize ang ordinansa nga mag-regulate o magdili sa roadside parking o ubang intervention sa sulod sa mga subdivision busa magpanuko pa ang mga frontline agency sama sa CTMS kay ma-technical man sila.

Pero adunay dakong mahimo ang LGU gihapon niining maong isyu. Samtang nagpaabot nga maumol ang ordinansa mahitungod niini, ang homeowners governing body ang mo-iniate sa paghimo og resolution nga aprobado sa mga miyembro nga maghatag og gahum sa CTMS nga moaksyon batok sa mga roadside parking violators, mahimong i-towing o i-clamp ang sakyanan.

Matud ni Atty. Mark Vincent Alabasto sa Office of the Mayor sa dakbayan sa Lapu-Lapu nga mas mapalig-on ang resolution kong adunay Memorandum of Agreement kon MOA sa CTMS ug sa homeowners governing body.

Gawas niini mas mapalig-on ang pagbadlong sa mga gahi og ulo kon mopagawas og executive ang local chief executive batok sa mga parking violators sa mga gated community. Knowing sa ka action man ni Mayor Ahong Chan dakong posibilidad nga iya kining hinoon.

Bisan og pribadong komunidad ang mga subdivision, at the end of the day mga molopyo gihapon sila ug ubos sa kagamhanan kay mosampit man sila sa guberno, sakto ba?

Dili lang sa Haniyyah Homes kon dili sa tanang mga subdivision ug dili lang sa Opon kon dili problema kini sa tanang mga dapit sa nasud particular sa Sugbo nga angayan hatagan og aksyon, ayha na ba manguros kon maigo na sa kilat?

PARKING VIOLATION

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with