^

Banat Opinyon

Walay pagpihig paghawan sa mga estraktura daplin sa sapa

LABTIK - Alan Domingo - Banat

Mimando si Cebu City Mayor Mike Rama sa paghawan sa mga estraktura nga anaa nahiumutang sa daplin sa sapa diin apil na niini kadtong anaa sa pribadong subdivision sa Barangay Pit-os sa dakbayan sa Sugbo human nakaabot sa sa mayor ang nahitabo sa dapit diin adunay pagdahili sa yuta mugna sa pagbaha sa sapa.

Unang naadto namo kining dapita diin gipabuhagay sa mga residente ang kalisang nga ilang gibati dihang nahitabo ang pag awas sa sapa ug mikankan sa yuta nga gutokoran sa ilang mga pinuy-anan.

Gani adunay usa ka residente didto nga hapit gyud mahulog ang iyang anak nga nahimutang sa kusina nga dapit sa sapa dihang nahugno ang ilang kusina dala nga nadala sa yuta.

Sa pagkakaron temporaryong mibalhin sa silingan ang mga molupyo ang uban tua sa ilang mga paryente kay nahadlok nga mobigay ang yuta ugaling makasinati pa og pag-ulan.

Sa initial nga pakisusi sa Office of the Building Official kon OBO sa dapit, nakita nila nga nakasakop gyud sa three-meter easement ang reprap wall diin nagbarug na ang mga balay.

Ingon usab niini ang assessment ni Konsehal Jerry Guardo, ang chairman sa Committee on Infrastructure sa Konseho, nga maoy gisangonan sa Mayor sa pagpatuman sa clearing operation sa mga estrakturang anaa nakatongtong sa daplin sa sapa.

Dinhi nato makita ang giingon sa city government nga walay gipili sa ilang clearing operations ma-informal settlers man o kadtong anaa sa gated community sama sa subdivision kinahanglan hawanan basta nakalapas three-meter easement.

Ang nakalahi lang niining sa Camella Homes kay pribadong developer man ang nanag-iya niini. Busa hagit karon sa LGU  kon unsaon nila ang mga residente nga maapektohan, asa nila ipahiluna ug kinsa ang magpahiluna.

Matud ni Mayor Rama nga ang developer ang responsable sa paghatag og relocation sa mga residente sanglit nagbayad man kini sa propedad nga ilang gikuha.

Alang sa mga molupyo sa dapit gusto silang mobalhin na busa nangayo sila og relocation sa developer. Apan mora’g wala pa man sila pamatia. Gani sa wala pa ang landslide sa dapit sige na sila og coordinate hangtod nga nahitabo gyud ang ilang gikahadlokan.

Bisan og unsa pa ka gamhanan o kwartahan ang developer, wala kiniy mahimo kong ang kamot na sa balaod ang molihok nga maoy gamiton sa guberno.

Kong buot huna hunaon dili ra gyud ni makatandog sa panudlanan sa developer ang paghatag og relocation sa ilang mga homewners, maayo unta kong tukbilon ang ilang kasing kasing sa kalooy sa mga tawo ug dili lang kwarta ang ilang giapas. Atangan nato kon unsay sangpotanan sa aksyon sa Cebu City LGU niining isyu kong aduna ba silay mahimo nga pribadong developer ni ilang banggaon, hinoon giingon man sa mayor nga andam siyang moatubang sa mga legal consequence basta masiguro lang niya nga mabutang sa luwas ang kinabuhi sa mga tawo sa dakbayan.

MIKE RAMA

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with