^

Banat Opinyon

Nidupa imbes mang imbestigar

ARANGKADA - Leo Lastimosa - Banat

Nabisto nang baraha sa Department of Education (DepEd). Sa sinugdanan nagpa-goryo-goryo pa sa findings sa Commission on Audit (COA) nga kuwestiyonable ang pagpamalit sa P2.4 bilyones nga laptops pinaagi sa Procurement Service sa Department of Budget and Management (PS-DBM). Karon giduphan na nila ang transaksiyon. Niinsistir ang DepEd nga di matawag nga anomaluso ang transaksiyon hangtod nga:

• Mapamatud-an sa COA ang anomaliya human sa pagsubli sa mga dokumento nga gisumiter sa DepEd; ug

• Makumbinser ang buhatan sa Ombudsman nga dunay anomaliya human masusi ang COA findings ug ubang dokumento.

* * *

Angay’ng pahibaw-on ang mga taga Davao nga naglibot ni Bise Presidente ug Education Secretary Sara Duterte Carpio nga ang report sa COA naglakip na sa tanang tubag ug tanang dokumento sa DepEd ug PS-DBM and sa kadudahan nga transaksiyon sa laptops.

Angay silang pahinumdoman nga bisan sa pag-insistir sa DepEd ug PS-DBM sa katarung sa transaksiyon, nakumbinser ang COA nga overpriced ang laptops ug substandard pa gyod. Ang tanang dokumento nga giwarawara sa DepEd karon katabon sa nasakpan sa COA nga mga palusot.

* * *

Imbes sa pakyaw nga panghimakak, angayng susihon sa DepEd ug PS-DBM ang detalyado nga findings sa COA:

• Gusto sa DepEd og laptops nga tag P35,046.50 kada usa, pero ang gikompra sa PS-DBM tag P58,300 kada usa;

• 68,500 ka magtutudlo ang nagkinahanglan og laptops sa DepEd, pero 39,583 ra ang nahatagan (ug ang mga nahatagan wa katuman sa ilang online classes ug ubang gimbuhaton kay kusog pa ang umang sa kamang sa bahaw nga laptops).

* * *

Laing tubagunon sa DepEd ug PS-DBM: Nasakpan sa COA nga klarong gipaboran ang supplier–Joint Venture sa Sunwest Construction and Development Corp., LDLA Marketing and Trading Inc. ug VST ECS Philippines Inc. bisan kon mas mahal (P58,270 kada usa) ug mas hinay (11th-Generation Intel Core Celeron nga dunay 1.8 Gigahertz (GHz) clock speed ug 4-megabyte (MB) processing cache) ang ilang laptops.

Gi-disqualify sa subasta ang laing duha ka bidders–Golden Power Mills Enterprises ug Eridamus Marketing–bisan mas barato (P54,051.12 kada usa) ug mas paspas (Intel Core i3-1115G4, 3.0 GHz Base Frequency, 6 MB L3 processing cache) ang ilang laptops.

* * *

[email protected]

OMBUDSMAN

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with