Umento sa abangan

Dear Atty. Divine,

Naa koy pangutana bahin sa kontrata sa pagpaabang sa yuta. Anaa koy gipaabangan nga yuta og lima (5) ka pamilya ang nag-abang niini.

Duna kini kontrata nga lima (5)  ka tuig lang ug ang ilang abang nag depende sa gidak-on sa luna.  Kada bulan ang ilang pagbayad. Nalatid sa kontrata nga dili sila mag pa konkreto sa ilang balay aron kun gamiton na ang property dili sila maglisud sa pag vacate niini.

Ang akong pangutana kun magpapausbaw ko sa abang pila man ka percentage ang gi allow sa atong balaod?

Mamahimo ba nga magpa increase kada tuig? Dinhi na lang ko kutob ug daghang salamat.

Roland

* * *

Dear Roland,

Kun ang Rent Control Act of 2009 ang atong basihan, mamahimong mopausbaw sa abangan ang tag-iya basta dili lang mosobra sa 7% matag tuig so pwede ra nga matag tuig ka mopausbaw basta dili mosobra sa 7%.

Apan mas maayo kun imo sab nga susihon kun maka afford ba sila og umento matag tuig considering sa atong sitwasyon karon nga naglisud gyud ang mga tawo tungod sa kamahal sa mga palaliton.

Sa dili pa ka mopatuman og usbaw mas maayo sab nga imo sila nga pahibaw-on daan labot sa imong ipatuman nga umento. Thank you and God Bless.

Atty. Divine

* * *

Alang sa inyong pangutana, palihug lang sa pag- email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.