^

Banat Opinyon

Baha

LINTUNGANAY - Fred P. Languido - Banat

Makalilisang ang baha nga nasinati sa dakbayan sa Sugbo niadtong Huwebes.

Sigun sa Cebu City Disaster Risk Reduction Management Office, 60 porsiento sa 81 ka mga barangay sa dakbayan ang apektado.

Salamat nalang nga way mga kinabuhi nga nakalas bisan unom ka mga pinuy-anan daplin sa Kinalumsan River sa Barangay Duljo-Fatima ang gibanlas tungod sa pag-awas sa sapa.

Apan daghan ang mga kabtangan nga nadaot.

Ubay-ubay sa mga panimay ang gilunopan hinungdan daghan sa mga butang ang nadaot.

Ang parking area sa usa ka condominium building sa South Road Properties (SRP) gilunopan.

Sigun sa mikatap nga video sa social media nga kuha sa usa ka tag-iya og unit, labing minus 36 ka mga sakyanan ang nanglutaw sa baha nga dunay giladmon nga hapit moabot sa hawak.

Dili ni unang higayon nga nasinati ang pagbaha dinhi sa dakbayan apan nag-anam kagrabe ang sitwasyon.

Ang mga opisyal sa dakbayan inutil sa pagsulbad niini sukad pa kaniadto.

Human sa baha niadtong Huwebes gitug-an ni kanhi konsehal Gerardo Carillo, pangulo sa city disaster council, nga ilang sugdan pagpabalhin ang mga nanimuyo sa daplin sa sapa.

Unahon kuno nila paglimpiyo ang Kinalumsan tungod sa nahitabo nga dunay unom ka mga panimay ang gianod.

Mao ni problema sa mga opisyal sa dakbayan hinungdan nga hangtud karon wala gyud masulbad ang problema sa baha.

Ang batasan sa mga opisyal nga molihok lang og duna nay mahitabo.

Dugay na ang problema sa mga panimay diha daplin sa sapa. Gani sa makadaghang higayon gipublikar ni sa The Freeman aron pagtawag sa atensiyon sa mga hingtungdan.

Apan hangtud karon way gihimo ang dakbayan aron balhinon ang mga nagpuyo sa delikadong dapit.

Gawas nga piligroso ang kahimtang sa mga pamilya nga nagpuyo  daplin sa sapa, usa sab sila sa mga hinungdan nganong nigamay ang mga agianan sa tubig nga moresulta sa baha.

Ang maong mga pamilya mao say usa sa mga hinungdan sa grabing kahugaw sa sapa.

Hangtud di mausab ang kinaiya sa atong mga opisyal ug hangtud way klarong plano unsaon pagsulbad sa problema magpabilin nga mag-antos ang publiko.

Ang bugtong tang mahimo mao ang pagpangandam sa angayang buhaton sa higayon nga dunay kusog nga uwan.

BAHA

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with