^

Banat Opinyon

Cha-cha na pud

IYO ANTOY - Antolin dela Serna - Banat

Sa akong kahinumdoman, mao ra og dugay-dugay na kitang naghisgot og charter change, apan, wala gayud kini makaugpo gumkan sa daghang mga misupak ug kakulang sa panahon. Lakip na nini ang pag-shift ngadto sa federal system sa pagpangagamhanan.

Maoy atong pagtuo nga tungod kay usa man kini sa mga election promises ni former President Digong Duterte, madayon na gayud kini. Gani naghisgot na kita sa mga paagi paghimo’g kausaban sa Batakang Balaud, Constitutional Convention o Constitutional Assembly ba.

Apan, natapus na lang ang term ni Duterte, kutob lamang kita sa mga pagkulokabildo, ug ginagmay nga pag-debate sulod sa hawanan sa Kongreso.

Kon ipaagi sa plebisito, unsa kahay gusto sa katawhan, mag-Cha-cha ba kita karon ug mo-shift na ngadto sa federal system? Duna koy nabasahan nga naglatid sa mga disadvantages sa federal system.  Mao nga kinahanglan atong paminawon ang mga pros and cons niini, dili kay magpasagad lamang kita’g dasmag.

Sa niaging bulan, tulo ka semana, before sa pagsugod sa 19th Congress, si Rep. Aurelio “Dong” Gonzales Jr. sa 3rd district sa Pampanga, mi-file og resolusyon nga nanawagan alang sa paghimo’g kausaban sa Konstitusyon, nga among others, maglugway sa term sa Presidente ngadto sa duha ka tag-lima ka tuig nga termino, kon “two five-year terms.” Sa ato pa, 10 ka tuig?

Matud ni Gonzales, ang karon 6-year term without reelectioon, “appears not to be enough for the chief executive to implement long-term programs and policies.”

Dunay pagkatinuod. Tan-awa ang “build, build, build” project, ug ubang mga long-term programs ni Digong, wala kitay 100% nga kaseguroan nga mapadayon ug matapos ang tanan, bisan tuod og misaad si BBM nga dili kay iyang ipadayon, kundili iya pang dungagan ang maong mga Duterte long-term projects.

Apan, kadugay natong agwanta ug pag-antos uban sa dili effective nga presidente sulod sa napulo ka tuig. Mosugot kaha ang lungsod niini?

Atong kutluon kining napatik sa Philippine Star: “Gonzales’ resolution calls on both chambers of Congress to convene in a constituent assembly to amend the law to allow the president to rule for a maximum of two terms— five years each.” Sa ato pa, Con-Ass diay ang iyang gusto, diin sila rang mga Senador ug mga Representante ang magsabutsabot ug mag-istoryahanay kon unsay i-change sa charter.  Dili ko uyon niini. Gusto nako, kon maminaw sila nako, Constitutional Convention gayud. Ug lagmit mao usab kini ang gusto sa lungsod.

Ilang gi-quote ang Konstitusyon: “Section 4 of the 1987 Constitution states that the president and vice president will be elected into office for one term of six years, which begins on June 30. The President shall not be eligible for re-election. No person who has succeeded as President and has served as such for more than four years shall be qualified for election to the same office at any time. No Vice President shall serve for more than two successive terms.”

Mao ni ang gustong usbon ni Gonzales, ug midugang siya nga mag-bar ug magdili na sa incumbent ug past presidents from running for any elective position. Sa ato pa, dili na makadagan pag-usab si Ate Glo pagka-Congresswoman sa ilang dapit.

CHARTER CHANGE

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with