^

Banat Opinyon

Separation pay

LEGAL CORNER - Atty. Divine Flores - Banat

Dear Atty. Divine,

Ang among empleyado nga nagtrabaho sa among company sud na sa lima ka tuig mi resign apan effective immediately. Ang iyang gibutang nga rason sa iyang resignation letter kay nasakit daw siya ug kinahanglan siyang mopahuway.

Gidawat sa HR ang iyang resignation letter bisan kun wa siya motuman sa 30-day notice. Apan karong bag-o nanawag siya sa kompaniya ug nangayo og separation pay kay dugay na daw siya nga nagtrabaho sa kompaniya. Ang akong pangutana kun obligado ba kami sa paghatag kaniya og separation pay nga miboluntaryo man siya sa pag-resign? Daghang salamat. — Jun

* * *

Dear Jun,

Dili obligado ang inyong kompaniya sa pagbayad og separation pay sa inyong empleyado nga mi-resign gawas lang kun kini nalatid sa employment contract o sa Collective Bargaining Agreement or CBA o ba kaha nahimo nang polisiya o practice sa kompaniya nga mohatag og separation pay sa mga empleyado nga mo-resign.

Apan kun dili kini mao ang practice sa inyong company ug wa sab kini malatid sa iyang employment contract then dili kamo obligado nga mohatag kaniya og separation pay. Basi sa Labor Code, ang employer obligado lang nga mohatag og separation pay kun siya ang mitaktak sa trabahante for authorized causes o kun illegal niyang gi-dismiss ang trabahante.

Apan kun boluntaryong mi resign ang empleyado, then wa siyay madawat nga separation pay kay wa kini gimando sa balaod. Thank you, and God Bless.

* * *

Atty. Divine

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.

EMPLEYADO

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with