^

Banat Opinyon

Duna gyu'y kinotuban ang tanan

LABTIK - Alan P. Domingo - Banat

Naukay gyud ang tanan sa giingong nanghinubrang presyo sa mga pagkaon didto sa Virgin Island sa Panglao lalawigan sa Bohol. Tiaw mo kanang niabot sa P26,100 ang nabayran a mga lokal nga mga turista nga 13 ka tawo ra man unta sila.

Bisan kinsa naman seguro makakurat gyud kong ingon niadto ka dako ang nakabutang sa papel nga maoy inyong nakaon.

Bisan seguro og nabusog ka kong makita nimo nga dako kaayo ang bayronon mora’g dili na nimo mabatian ang kalami sa pagkaon, kong pwede pa lang iluwa ug dili na modayon.

Ang panghitabo nakapukaw sa tanang ahensiya sa kagamhanan ug nakapahigmata sa realidad nga niabot na sa ingon niini ang level sa Bohol. In fairness, mga buotan ang mga Bol-anon ug sila mismo biktima man gani sa kaugalingong mga kadugo nga nipahimulos sa higayon karon.

Matud pa sa kong mga paryente didto sa Bohol dili lang sa Virgin Island mahal ang palaliton kon dili halos tanang dapit didto lahi ra gyud kaayo ang presyo ilabi na ang mga produkto gikan sa dagat.

Gani ang presyo sa isda sa kamerkadohan bisan kadtong midyo dubok na tag P250 kuno ang kilo sa isdang burot o budboron.

Makapangutana kita nganong ingon niini man ka mahal nga gipalibotan man sa dagat ang Bohol ug abunda man produkto sa kadagatan.

Dugay naman kining isyuha diha, seguro makaingon ta nga blessing in disguise ang pagkatribokar niini aron makamata ang mga hingtungdang ahensya, ang Department of Tourism, Department of Environmemt and Natural Resources, labaw sa tanan ang lokal nga kagamhanan aron moaksyon.

Gikinahanglan pa gyud nga mosikat ang isyu ayha molihok ang gobierno? Hinuon sa nahitabo karon unta magbunga kini og kaayohan sa kinabag-an sa tibuok Bohol kay sa tinuod lang dili lang ang Panglao ang apektado kon dili ang tibuok lalawigan.

Busa karon pa lang makorehian na kini ug dili lang karon kon dili seguradohon nga hangtud sa hangtud. Mag-unsa man ang pagdayeg sa katahom sa natural resources nga world class apan inig uli sa mga turista magbagutbot tungod kay murag gitulis sa atubangan sa mahal sa mga produkto.

Leksyon kini sa tanan nga aduna gyud kinutoban, mahimong tibatiba ang kita sa hamubo nga panahon apan inig abot na sa kinutoban makulban gyud sa kaldero kadtong mga mapahimuslanon sa higayon.

Karon nganga ang mga nagnegosyo sa Virgin Island kay wala naman sila patindaha sa kanhing nahimutangan.

BOHOL

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with